Qazaqstan birqatar shet elmen halyqaralyq áýe qatynasy sanyn arttyrady.
Mundai sheshim QR Premer-Ministriniń orynbasary Eraly Toǵjanovtyń tóraǵalyǵymen ótken QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) otyrysynda qabyldandy, dep habarlaidy "Ult aqparat".
Atap aitqanda, QR Indýstriia jáne infraqurylymdyq damý ministrliginiń Túrkiiamen (qosymsha 4 reis), Ózbekstanmen (+4 reis), Qyrǵyzstanmen (+2 reis) jáne Ýkrainamen (+1 reis) halyqaralyq áýe reisteriniń sanyn arttyrý týraly usynysy komissiianyń qoldaýyna ie boldy.
Sondai-aq QR Premer-Ministriniń resmi saity taratqan aqparatqa sáikes, otyrysta Densaýlyq saqtaý ministri Aleksei Tsoi biologiialyq qaýipsizdik týraly zań jobasyn ázirleý barysyn baiandady. Óz kezeginde vitse-premer E. Toǵjanov atalǵan zań jobasy boiynsha barlyq jumyldyrylǵan memlekettik organdarmen kelisý jumystaryn jáne biýdjettik esepterdi engizýde buǵan deiin bekitilgen merzimderdi ustaný qajettigin atap ótti.
