Qazaqstannyń birneshe memlekettik organy benzin men izeldi, munai ónimderiniń birneshe túrin eksporttaýǵa 6 ailyq tyiym salý týraly birlesken buiryq jariialady, dep habarlaidy QazAqparat.
Qujattyń tolyq ataýy – Qazaqstan Respýblikasy Energetika ministriniń 2021 jylǵy 9 qarashadaǵy № 340, Qazaqstan Respýblikasy Ulttyq qaýipsizdik komiteti Tóraǵasynyń 2021 jylǵy 9 qarashadaǵy № 018, Qazaqstan Respýblikasy Qarjy ministriniń 2021 jylǵy 10 qarashadaǵy № 1158 jáne Qazaqstan Respýblikasy Ishki ister ministriniń 2021 jylǵy 10 qarashadaǵy № 695 birlesken buiryǵy.
«Qazaqstan Respýblikasynyń aýmaǵynan benzindi, dizel otynyn jáne munai ónimderiniń jekelegen túrlerin kólemi 20 litrden aspaityn jeke ydys pen kóliktiń zaýyt ornatqan bagyn qospaǵanda avtomobilmen áketýge alty ai merzimge tyiym salynsyn», - delingen birlesken buiryqta.
Qujat mátininde QR Qarjy ministrliginiń Memlekettik kirister komiteti, Ulttyq qaýipsizdik komitetiniń Shekara qyzmetimen ózara árekettesip, óz quzyreti sheginde osy birlesken buiryqtyń 1-tarmaǵynyń oryndalýyn qamtamasyz etýi kerektigi aitylǵan.
«QR Ishki ister ministrligi óz quzyreti sheginde osy birlesken buiryqtyń 1-tarmaǵynda kórsetilgen taýarlardy avtomobildiń zaýyt ornatqan standarttarǵa sáikes kelmeitin benzin baktarynda, sondai-aq kólemi 20 litrden aspaityn jekelegen ydystarda áketý jaǵdailaryna jol bermeý jóninde járdem kórsetsin», - dep jazylǵan buiryqta.
Al Energetika ministrligi men Saýda jáne integratsiia ministrligi atalmysh tyiymnyń talaptary týraly Eýraziialyq ekonomikalyq komissiiaǵa habarlaýǵa mindetteldi.
«Osy birlesken buiryqtyń oryndalýyn baqylaý tiisti baǵytqa jetekshilik etetin energetika, qarjy, Ishki ister vitse-ministrlerine jáne Qazaqstan Respýblikasy Ulttyq qaýipsizdik komiteti tóraǵasynyń orynbasary – Shekara qyzmetiniń direktoryna júktelsin», - delingen qujat mátininde.
Buiryq 21 qarashada kúshine enedi.
