Sanjar Jarkeshov Ýkraina «Naftogaz» UAQ ken oryndaryn barlaý jáne óńdeý blogynyń (Head of Upstream Exploration and Development) basshysy bolyp taǵaiyndaldy. Bul týraly QR Ekologiia, geologiia jáne tabiǵi resýrstar ministrliginen málim etti, dep habarlaidy QazAqparat.
Sanjar Jarkeshov buǵan deiin QR Ekologiia, geologiia jáne tabiǵi resýrstar vitse-ministri jáne «Qazgeologiia» AQ Direktorlar keńesiniń tóraǵasy qyzmetin atqarǵan bolatyn. Ol AQSh-tyń Ostin qalasyndaǵy Tehas ýniversitetin injener-munaishy mamandyǵy boiynsha bitirgen. Qazaq ekonomika, qarjy jáne halyqaralyq saýda ýniversitetin bitirgen. 11 jyl boiy álemniń 17 elinde halyqaralyq, injenerlik, óndiristik jáne basqarýshylyq eńbek jolynan ótken.
S.Jarkeshov 2014 jyly Reseidiń Sahalin aralyndaǵy Z-40 munai uńǵymasyn 13 myń metr tereńdikke burǵylap, álemdik rekord ornatqan. 2016 jyly SPE Búkilálemdik injener-munaishylar qaýymdastyǵynyń «Burǵylaý salasyndaǵy airyqsha jetistigi úshin» syilyǵymen marapattalǵan. Sol jyly Britandyq «Injener-Professional / Chartered Engineer» ataǵyn ielengen. Britan injener-mehanikter institýty keńesiniń múshesi. 2017 jyly Ulybritaniianyń munai indýstriiasyn damytýǵa qosqan úlesi úshin Patshaiym Elizaveta II atyndaǵy syilyqpen marapattalǵan.
