Jyl saiyn Qazaqstanda jatyr moiyny obyryna shaldyǵýdyń 1800-den astam faktisi, jatyr qaterli isiginiń 1100-den astam jaǵdaiy jáne analyq bez qaterli isiginiń 1120 faktisi anyqtalady. Bul jóninde Almatydaǵy baspasóz máslihatynda QR Densaýlyq saqtaý ministrliginiń bas onkology, QR Densaýlyq saqtaý ministrligi Qazaq onkologiia jáne radiologiia ǵylymi-zertteý institýty basqarma tóraiymy, m.ǵ.d. Diliara Qaidarova málim etti, dep habarlaidy "Ult aqparat".
Jyl saiyn jatyr moiyny obyrynan - 600-ge jýyq, jatyr qaterli isiginen - 230, analyq bezdiń qaterli isiginen - 450-ge jýyq áiel kóz jumady. Onyń basym kópshiligi - bala kóterýge qabiletti jastaǵy kelinshekter.
«Qazirgi tańda Qazaqstanda jatyr denesindegi patologiiany erterek anyqtaýǵa arnalǵan tegin onkoskrining ótkiziledi. Iaǵni 30 jastan asqan ár áiel jyl saiyn onkotsitologiiaǵa jaǵyndy tapsyrýy kerek (pap-test). Bul kez kelgen emhanada tegin jasalady. Sondai-aq, profilaktika júrgizý maqsatynda ginekologqa qaralýǵa bolady. Turaqty túrde tekserilip otyrý kerek», - deidi Diliara Qaidarova.
Sondai-aq, emhanalarda kolposkopiia júrgiziledi. Iaǵni patologiiany anyqtaý úshin jatyr moiyny arnaiy qurylǵymen tekseriledi. Bunyń barlyǵy Qazaqstan áielderi úshin - tegin.
21 qyrkúiek, senbi kúni Qazaq onkologiia jáne radiologiia ǵylymi-zertteý institýtynda, sondai-aq, óńirlik onkodispanserlerdiń barlyǵynda Ashyq esikter kúni ótkiziledi. Kez kelgen áiel adam kelip, onkologtardan keńes alyp, onkotsitologiiaǵa jaǵyndy tapsyra alady.
Jatyr moiyny obyryna shaldyǵý deńgeii Qostanai (100 myń adamǵa – 16,2), Aqtóbe (14,7), Batys Qazaqstan (14,4) oblystarynda joǵary. Al Shymkent, Túrkistan, Jambyl oblystarynda dertke shaldyǵý deńgeii tómen.
Jatyr denesiniń qaterli isigine shaldyǵý jaǵdailary Qaraǵandy (10,9), Shyǵys Qazaqstan, Pavlodar jáne Soltústik Qazaqstan oblystarynda (100 myń adamǵa – 9,9) jii kezdesedi. Al dertke shaldyǵý deńgeii tómen óńirlerdiń qatarynda Jambyl jáne Atyraý oblysytary (100 adamǵa – 3,9) tur.
