Qazaqstan aýmaǵynda koronavirýstyń jańa shtamdary anyqtalǵan joq. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Qazaqstanda koronavirýstyń tsirkýliatsiiasy boiynsha epidemiologiialyq monitoring júrgiziledi. Qyrkúiekten bastap qańtarǵa deiingi aralyqta júrgizilgen genomdyq zertteýlerdiń nátijesinde el aýmaǵynda koronavirýstyń jańa shtamy, naqtyraq aitqanda britandyq, ońtústik-afrikalyq, braziliialyq shtamdar anyqtalǵan joq. Naýryz aiynyń sońynda kezekti genomdyq zertteýler nátijesi alynatyn bolady», - dedi ol Ortalyq kommýnikatsiialar qyzmetindegi baspasóz máslihatynda.
