Foto: ashyq derekkóz
Qazaqstan astyq eksportynyń kólemin arttyrýǵa jáne geografiiasyn keńeitýge nietti. Bul týraly Premer-ministrdiń orynbasary – ulttyq ekonomika ministri Serik Jumanǵarin Úkimettiń baspasóz ortalyǵy alańynda ótken baspasóz máslihatynda málimdedi, dep habarlaidy Ult.kz.
Vitse-premer biylǵy 7 aida astyq balamasynda 8,9 mln tonna astyq pen un jóneltilgenin habarlady. Marketingtik jyldyń qorytyndysy boiynsha astyq balamasynda 13 mln tonna eksport boljanýda.
«Ortalyq Aziia, Iran, Ázerbaijanǵa Resei, Baltyq jaǵalaýy jáne Qara teńiz arqyly ótetin astyq eksportynyń kólemi artty. Sondai-aq Marokko, Aljir jáne Vetnamǵa otandyq ónim jetkizile bastaldy», — dep naqtylady Serik Jumanǵarin.
Sonymen qatar vitse-premer ósimdik mailarynyń eksporty 7 aida 384,6 myń tonnaǵa jetkenin, bir jylǵa boljam – 670 myń tonnaǵa jýyq ekenin atap ótti.
