Ádilet ministri Qanat Mýsin Qazaqstan astanasy ataýy resmi túrde qashan ózgertiletini týraly suraqqa jaýap berdi, - dep habarlaidy Massaget.kz.
"Konstitýtsiiaǵa ózgerister engizildi, endi Prezident Astanany qaita ataý týraly Jarlyqty qabyldaidy jáne osymen ózgertý resmi túrde aiaqtalady", - dedi Mýsin Parlament palatalarynyń birlesken otyrysynan keiin jýrnalister suraǵyna jaýap berip.
Naqty ýaqyty týraly suraqqa ministr sheshimdi Memleket basshysy qabyldaitynyn aitty.
"Men aita almaimyn, sheshimdi Prezident qabyldaidy. Meniń oiymsha, Konstitýtsiiaǵa túzetýler resmi kúshine engennen keiin, ózgeris bolady", - dep túsindirdi ol.
Mýsinniń aitýynsha, zańda astananyń atyn keiin ózgertýge kedergiler qarastyrylmaǵan.
Buǵan deiin Senat pen Májilis depýtattary elorda ataýyn ózgertýge daýys bergen bolatyn. Elorda ataýyn Astana dep ózgertý "Konstitýtsiiaǵa ózgerister men tolyqtyrýlar engizý týraly" zań jobasyna engizilgen.
