©pixabay.com
World Population Review portalynyń sarapshylary álemde 100 myń adamǵa qylmys sany boiynsha qaýipti elder reitingin qurastyrdy, - dep habarlaidy Kaz.tengritravel.kz.
Zertteýshiler tujyrymy boiynsha, anti reitingtiń úzdik úshtigine Venesýela (83,76 upai), Papýa - Jańa Gvineia (80,79) jáne Ońtústik Afrika (76,86) engen: joǵarǵy oryn - kriminaldyq jaǵdaidyń kóptiginiń dáleli.
53,77 upaimen Qazaqstan 40-orynda tur. Qyrǵyzstan 56,87 upaimen 31-orynda. Al Ózbekstan 33,42 upai jinap, 99-orynǵa turaqtaǵan. Qytai - 108-oryn (30,14) jáne Resei - 86-oryn (39,99).
136 memleketten turatyn reiting sońynda Taivan, BAÁ jáne Katar tur. Bul elderde qylmys deńgeii óte tómen.
Zertteý avtorlary qylmys deńgeii ár elde ár túrli bolatynyn jáne kóptegen faktorlarǵa bailanysty ekenin atap ótti. Mysaly, kedeilik pen jumyssyzdyqtyń joǵary deńgeii eldegi qylmys deńgeiin joǵarylatady. Kerisinshe, politsiianyń qatań baqylaýy men qatań úkimderi qylmys deńgeiin tómendetýge beiim.
Sarapshylardyń pikirinshe, jas pen qylmys arasynda kúshti korreliatsiia bar: qylmystardyń kópshiligi, ásirese zorlyq-zombylyq qylmystary 20-30 jasta jasalady eken.
