Birikken Ulttar uiymynda World Happiness Report-tyń 2021 jylǵy esebi jasaldy. Qazaqstan bul tizimde 36-shy oryn aldy, dep habarlaidy "Ult aqparat" WHR-ǵa silteme jasap.
BUU-nyń «Álemdik baqyt týraly» jyl saiynǵy esebinde biylǵy jyly álemniń 149 eli kútilip otyrǵan ómir uzaqtyǵy, áleýmettik qoldaý, jemqorlyq jáne taǵy basqa kórsetkishter boiynsha baǵalanǵan. Qazaqstan bul tizimde 36-shy oryn alyp, Resei, Grýziia jáne Tájikstan elderin artta qaldyrdy.
Reitinginiń basynda tórtinshi jyl qatarynan birinshi oryn ielenip otyrǵan Finliandiia eli tur. Baqyt deńgeii boiynsha úzdik on eldiń qataryna, sondai-aq Islandiia, Daniia, Shveitsariia, Niderlandy, Shvetsiia, Germaniia, Norvegiia, Jańa Zelandiia jáne Avstriia kirdi.
Búrynǵy Keńes Odaǵy elderiniń arasynda Estoniia 28-shi orynda, Litva 29-shy orynda, Qyrǵyzstan – 33-shi, Latviia – 34-shi, Qazaqstan – 36-shy, Moldaviia 49-shy, Resei 60-shy, Tájikstan 62-shi, Ýkraina 69-shy jáne Grýziia 73-shi orynda tur.
Reitingini Zimbabve jáne Tanzaniia elderi túiindedi.
World Happiness Report 2021 reitingisiniń biylǵy ereksheligi – onyń koronavirýs pandemiiasynyń adam ómirine áser etýin, sondai-aq túrli elder úkimetteriniń ony qalai elegenin baǵalaýynda.
Álem elderiniń baqyt reitingisi 2012 jyldan beri jasalyp keledi.
