Parlament Qazaqstan Prezidenti Qasym-Jomart Toqaevtyń Ortalyq Aziia, Kongo, Mali jáne Livandaǵy BUU missiialaryna qatysý úshin Qazaqstan Qarýly Kúshteriniń bitimgershilik kontingentin jiberý týraly usynysyn maquldady, - dep habarlaidy Tengrinews.kz agenttigi.
"Konstitýtsiianyń 53-baby 5-tarmaǵyna sáikes BUU-nyń Ortalyq Afrika Respýblikasyndaǵy turaqtandyrý jónindegi kópbeiindi keshendi missiiasyna, BUU-nyń Kongo Demokratiialyq Respýblikasyndaǵy turaqtandyrý jónindegi missiiasyna, BUU-nyń Malidegi turaqtandyrý jónindegi kópbeiindi keshendi missiiasyna, BUU-nyń Livandaǵy ýaqytsha kúshteriniń missiiasyna qatysý úshin shamamen 430 áskeri qyzmetshini, Qarýly Kúshterdiń bitimgershilik kontingentin jiberý týraly usynys engizemin" - dedi Jaqsylyqov Parlament palatalarynyń birlesken otyrysynda.
Qorǵanys ministrliginiń basshysy Qazaqstannyń shtabtyq ofitserler jáne áskeri baqylaýshylar retinde jekelegen áskeri qyzmetshilerdi, sondai-aq BUU missiialaryna barynsha suranysqa ie jaiaý ásker, meditsinalyq, barlaý, injenerlik áskeri politsiia bólimshelerin bólýge daiyn ekenin atap ótti.
"Baǵalaý jáne irikteý birneshe kezeńnen turady. Biz Qazaqstannan BUU-ǵa bes bólimsheni usyndyq. Olardyń barlyǵy daiyndyqtyń ártúrli deńgeilerinde. Biz bólimshelerimizdi birden emes, ótinim boiynsha jiberemiz. Bizge missiiany oryndaýǵa daiyndyq boiynsha baǵa beriledi", - dedi Rýslan Jaqsylyqov.
