QR Premer-Ministriniń orynbasary Eraly Toǵjanov qazaqstandyq koronavirýsqa qarsy vaktsina óndirisi qashan bastalatyndyǵyn aitty, dep habarlaidy "Ult aqparat".
«Bul máselemen Bilim jáne ǵylymi ministrligi jetekshilik etetin Biologiialyq qaýipsizdik ǵylymi-zertteý institýty ainalysady. Másele óte kúrdeli. Álemniń eń jetekshi elderiniń ózinde menshikti vaktsina joq. Atalǵan institýttyń qyzmetkerleri inaktivtelgen vaktsina jasap shyǵardy jáne ol qazirgi ýaqytta óndiris satysynda tur desek te bolady. Halyqaralyq GMP standartyna sai keledi. 21 sáýirde zertteýdiń 50 paiyzdyq deńgeii tolyqtai aiaqtalady», - dedi Eraly Toǵjanov Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, vaktsinany zertteýdiń 50 paiyzdyq deńgeii aiaqtalǵannan keiin óndiristi iske qosýǵa bolady.
«Búginde atalǵan ǴZI-diń múmkindigi 50 myń dozany quraidy. Olar alǵashqy vaktsinany óndirý úshin barlyq múmkindikterin jumsady jáne shamamen 21 sáýirde tolyq daiyn bolady. Osydan keiin Densaýlyq saqtaý ministrligi klinikalyq zertteýlerdiń barlyq úsh satysy negizinde qorytyndy berýi tiis. Bul protsesterge 5-7 kún qajet. Menińshe, Qazaqstan 25-27 sáýir kúnderi óziniń alǵashqy vaktsinasyn alady. 50 myń – bul da óndiris», - dedi Premer-Ministrdiń orynbasary.
