Qazaqstan biyl 174 mln dollardyń dári-dármegin eksportqa shyǵarmaq. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Biyl farmatsevtika salasynyń óndiris kólemi 105 paiyz deńgeiinde josparlanǵan. Negizgi ósim dári-dármek óndirisiniń 10,2 paiyz ulǵaiýy esebinen qamtamasyz etiledi. Koronavirýs infektsiiasyna qarsy vaktsina óndirisin jáne 5 jańa óndiristik qýatty iske qosý oń áser etedi», - dedi óńdeý ónerkásibin damytý jaiynda baiandaǵan Beibit Atamqulov.
Onyń atap ótýinshe, Farmatsevtikalyq jáne meditsinalyq ónerkásipti damytýdyń 2025 jylǵa deiingi keshendi josparyn odan ári iske asyrý saladaǵy óndiris kólemin 2,5 esege, iaǵni 92 mlrd teńgeden 230 mlrd teńgege deiin jetkizýge múmkindik beredi.
«Dári-dármek eksporty 3 ese artyp, 58 mln AQSh dollarynan 174 mln AQSh dollaryna deiin jetedi», - dedi ol.
