Foto: Qazaqmys
«Qazaqmys» korporatsiiasy aktsioner Nurlan Artyqbaevqa jáne Baqylaý keńesine 2026 jylǵy birinshi toqsannyń qorytyndysyn usyndy. Is-sharaǵa Basqarma tóraǵasy Rýslan Óskenáli, Baqylaý keńesiniń tóraǵasy Nurmuhambet Ábdibekov, basqarma tóraǵasynyń orynbasarlary jáne baǵyttarǵa jetekshilik etetin basshylar qatysty. Munda ónerkásiptik qaýipsizdik pen eńbekti qorǵaý máseleleri, óndiristik kórsetkish, áleýmettik saiasat jáne korporatsiianyń odan ári damý kezeńderi talqylandy. Bul týraly Ult.kz «Qazaqmys» korporatsiiasynyń baspasóz qyzmetine silteme jasap habarlaidy.
Esepti kezeń júieli ózgeristerge kóshý kezeńine ainaldy. Aktsionerlik qurylym men basqarý modeli jańartylǵannan keiin kompaniiada baqylaý men investitsiialyq tártip kúsheitilip, qaýipsizdikke, jóndeý jumysyna jáne eńbek jaǵdaiyna erekshe kóńil bólindi. Bul óndiristik kórsetkishten de, ishki úderis sapasynan da kórinis tapty.
Bul rette jańa basshylyq áleýmettik turaqtylyqty saqtaýǵa degen ustanymyn rastady jáne eńbek ujymy aldyndaǵy barlyq mindettemelerdi oryndaýdy óz moinyna aldy. Kompaniia Ujymdyq shart talaptaryn iske asyrýdy jalǵastyrýda, toqsandyq syiaqy tóleýdiń qoldanystaǵy tártibi saqtalyp, jumyskerler men olardyń otbasyna arnalǵan áleýmettik qoldaý sharalary júzege asyrylýda. Aqpan aiynda jumyskerlerge tabystyń indekstelgen tólemi berildi, al sáýirde kezekti toqsandyq syiaqy tóleý josparlanǵan.
Foto: Qazaqmys
2026 jyldyń birinshi toqsanynda kompaniiada ólimmen aiaqtalǵan jazataiym oqiǵa tirkelgen joq, al óz qyzmetkerlerimiz arasynda jaraqattanǵandar sany 41%-ǵa azaidy. Bul óndiristik qaýipsizdik salasyndaǵy jaǵdaidyń aitarlyqtai jaqsarǵanyn kórsetedi.
Jańa basqarýshy komanda nazaryn tek kórsetkishterge ǵana emes, sonymen qatar óndiristegi naqty tájiribelik ózgeristerge aýdardy. Tek naýryz aiynda kompaniia basshylyǵy óndiris oryndaryn 950 ret tikelei aralady, al jumys oryndaryndaǵy sanitarlyq-turmystyq jaǵdaidy jaqsartýǵa 3,8 mlrd teńge qarajat bólindi. Bul sheshimder basshylyqtyń ujymmen tikelei ári turaqty ózara is-qimylǵa kóshkenin, sondai-aq qordalanyp qalǵan turmystyq jáne uiymdastyrýshylyq máselelerdi jedel sheshýge baǵyttalǵanyn kórsetti.
Birinshi toqsanda áleýmettik jaǵynan osal topqa jatatyn 13 otbasyǵa jańa páterdiń kilti tabystaldy, al jyl sońyna deiin 173 qyzmetkerdi turǵyn úimen qamtý josparlanyp otyr.
Toqsannyń óndiristik qorytyndysy boiynsha kompaniia ótken kezeńderden qalǵan tehnikalyq shekteýlerge qaramastan turaqtylyǵyn saqtady. Bul óndirilgen kendegi mys quramy boiynsha jospardy 3,7%-ǵa asyra oryndaýǵa jáne 68,6 myń tonna kórsetkishine qol jetkizýge múmkindik berdi. Kontsentrattaǵy mys óndirisi 62,5 myń tonnany (+2,3%), al katodty mys óndirisi 96,6 myń tonnany (+0,69%) qurady.
Eń mańyzdysy — bul nátijege jańa komanda burynnan jinalyp qalǵan máselelerdi sheshýge kirisken kezeńde qol jetkizdi. Birqatar qiyndyq 2025 jyly jóndeý qoryn ońtailandyrýǵa jáne jóndeý-qalpyna keltirý jumysyna qajetti qosalqy bólshekterdiń tapshylyǵyna bailanysty týyndady. Osy rette 2026 jyldyń birinshi toqsanynda kompaniia investitsiialyq jáne jóndeý jumysyn kúsheitýge kóshti. Óndirý sektorynda tozyǵy jetken 30 birlik jerasty tehnikasyn aýystyrý týraly sheshim qabyldandy, al osy úsh ai ishinde maquldanǵan investitsiianyń jalpy kólemi 245 mln dollardan asty.
Jumys aýqymy óndiristik, infraqurylymdyq jáne áleýmettik baǵyttardy qatar qamtydy: jabdyqty jańǵyrtý, jóndeý jumysyn kúsheitý, turmystyq nysandardy jańartý, jumyskerlerge arnalǵan turǵyn úi baǵdarlamasyn jalǵastyrý, qaýipsizdikti arttyrý jáne jańa aimaqtyq jobalardy iske qosý qolǵa alyndy.
Uzaq merzimdi turaqtylyqqa basymdyq berildi. Geologiialyq barlaý salasynda toqsan ishinde mys qory 132,2 myń tonnaǵa artty.
Foto: Qazaqmys
Sonymen qatar kompaniia áleýmettik jáne óńirlik baǵytta aýqymdy jumysty jalǵastyrýda. Birinshi toqsanda Ulytaý, Abai, Qaraǵandy oblystarynyń jáne Jambyl oblysy Shý aýdanynyń ákimdikterimen yntymaqtastyq týraly memorandýmǵa qol qoiyldy. Áleýmettik jáne infraqurylymdyq jobalardy damytýǵa 44,6 mlrd teńgeden astam qarajat baǵyttalatyn boldy. Kelisim densaýlyq saqtaý, bilim berý, sport nysandaryn salý men jańǵyrtýdy, sondai-aq jergilikti biznesti qoldaýdy jáne injenerlik infraqurylymdy damytýdy kózdeidi.
Bul jait kompaniiadaǵy ózgeristerdiń tek óndiristik baǵytpen shektelmei, jumyskerlerdiń otbasy men ózine qatysy bar óńirler aldyndaǵy jaýapkershiligin sezinip otyrǵanyn kórsetedi.
Birinshi toqsannyń qorytyndysy aktsionerlik qurylym men basqarý tásilderi jańartylǵannan keiin Qazaqmysta júieli jumys úlgisi qalyptasyp jatqanyn aiǵaqtaidy. Qaýipsizdikke qoiylatyn talap kúsheitilip, atqarýshylyq tártip nyǵaityldy, investitsiialyq belsendilik artyp, eńbek ujymymen tikelei bailanys ornatyldy.
Oń ózgerister birinshi toqsannyń ózinde-aq naqty nátije berdi. Buǵan ólimmen aiaqtalǵan jaraqattyń bolmaýy, zardap shekkender sanynyń azaiýy jáne negizgi óndiristik kórsetkishterdiń asyra oryndalýy dálel. Kompaniia tiimdilikti, qaýipsizdikti jáne eńbek jaǵdaiyn birtutas júie retinde qarastyratyn modelge birtindep kóship jatyr.
