Roza Baǵlanova atyndaǵy «Qazaqkontsert» memlekettik akadenmiialyq kontserttik uiymynyń ártisteri Aýstriiada ótken «Túrki aptalyǵynda» óner kórsetti.
Is-shara barysynda tanymal bishi ári horeograf Ánel Marabaeva «Aqqý» biin bilese, opera ánshisi Aigerim Altynbek «Alqońyr» ánin oryndady. Sondai-aq, qazaqstandyq «Temirlan & Yernat» tobynyń oryndaýynda «Alem» kúii kórermen nazaryna usynyldy.
Atalmysh is-shara Túrki memleketteri uiymynyń (TMU) qyzmetin tanystyrý aiasynda «Túrki aptalyǵy» bolyp ótti. Is-shara barysynda kórermender túrki halyqtarynyń bai mádeni murasy, ulttyq mýzykasy men bi ónerinen syr shertetin áserli qoiylymdardy tamashalady. Kontserttik baǵdarlama qatysýshylarǵa úlken áser qaldyryp, túrki elderi arasyndaǵy mádeni bailanystyń nyǵaia túskenin kórsetti.
«Túrki aptalyǵy» aiasynda ótken is-shara TMU-ǵa múshe memleketterdiń shyǵarmashylyq ujymdary qatysqan kontserttik baǵdarlamamen jalǵasty. Is-sharaǵa Ázerbaijan, Qazaqstan, Qyrǵyzstan, Túrkiia jáne Ózbekstan elderiniń ónerpazdary qatysty.
Ánel Marabaeva – «Birlik» ansambliniń kórkemdik jetekshisi, Qazaqstannyń úzdik horeograftarynyń biri jáne álem halyqtarynyń bii boiynsha solisi. Ol Resei, Qytai, Koreia, Japoniia, Germaniia, Mysyr, Ispaniia, Avstriia jáne basqa da elderde ótken memlekettik kontsertterde qazaq bi óneri men álem halyqtarynyń bilerin tanystyrdy. Ánel Marabaevanyń repertýarynda mádeni muranyń bailyǵyn kórsetetin 30-ǵa jýyq halyq bii bar. Onyń shyǵarmashylyǵyndaǵy erekshe oryn – Naýryz merekesiniń BUU resmi kúntizbesine engizilýine orai Vashington men Niý-Iork qalalarynda, BUU Bas Assambleiasynda óner kórsetýi.
Áigerim Altynbek – operalyq ánshi, halyqaralyq jáne respýblikalyq baiqaýlardyń laýreaty, Qazaqstannyń eńbek sińirgen qairatkeri. Halyqaralyq deńgeide tanylyp júrgen opera ánshisi Áigerim Altynbek álemge áigili Italiiadaǵy «La Skala» teatry akademiiasynda taǵylymdamadan ótip jatyr. Ol Italiia (Pýchchini, Giaýrova, Tebaldi atyndaǵy), Finliandiia, Litva, Resei jáne t.b. ótken baiqaýlarda júldeli oryndarǵa ie boldy. Budan bólek opera ánshisi 2025 jyly álemge tanymal tenor Hose Karrerastyń jáne Italiianyń Neapol qalasynda ótken Andrea Bochellimen bir sahnada óner kórsetti.
