Jazýshy Baqytgúl Sarmekova Londondaǵy Tilted Axis Press baspasymen kelisimshartqa otyrdy. Sheteldik baspa jazýshynyń aǵylshyn tiline aýdarǵan kitabyn basyp shyǵarady, dep habarlaidy Ulysmedia.kz.
Bul jaily jazýshynyń ózi áleýmettik jelide jazdy.
«Londondyq baspa meni 2000 fýnt sterling jáne on jyl boiy kitap satylymynan túsken qarjynyń 8 paiyzyna baǵalady! Keremet pe?! Iá ǵoi. Qalai maqtansam da artyq bolmaityn siiaqty. Londondyq Tilted Axis Press baspasymen Mirgúl Qali aǵylshyn tiline aýdarǵan kitabymdy basyp shyǵarýǵa kelisimshartqa otyrdym búgin. Ǵajap kúidemin. Qudai «Má, saǵan kerek bolsa» dep baqytty ústi-ústine úiip berim jatqandai tipti. Kóp shyǵarmalarym jái qyzyǵýshylyqpen jazylǵandyqtan áli sasqalaqtap qobaljyp júrmin», - dep jazady ol.
Jazýshynyń ózi byltyr qatysqan Pen America baiqaýynda qazylar alqasy aýdarmashy Mirgúl Qalidiń jumysyna riza bolǵanyn jazady.
««Shyǵarmanyń boiaýyn saqtai otyryp, avtordyń ironiiasyn, ótkir ázilin ádemi jetkize bildi» dep maqtaǵan. Ondai aýdarmashylar óte az, shyǵarmany janymen túsine alatyndar kóp emes. Bul jerde jastardy qoldaý, kitap shyǵarý, forým ótkizý, anaý-mynaý degen sharýalar formaldi. Qoldaý ádebi aýdarmashylarǵa qarai burylsa, olar álem men myna bizdiń eldiń ortasyndaǵy kópir ekenin moiyndaý kerek. Mirgúl bolmasa Atyraýda bazarda ish-kiim satyp, typ-tynysh júrgen meni aǵylshyndar naǵylsyn», - deidi ol.
