Foto: Aǵybai Aiapbergenov / Kazinform
Qazaq tilindegi balalar ádebieti tsifrlyq formatqa kóshiriledi. Bul týraly Senat depýtattarynyń saýalyna Premer-ministr Oljas Bektenovtiń jaýabynda aitylǵan.
- Qazirgi ýaqytta elektrondyq kitaphanany qurý jumystary «Qazaqstan Respýblikasynyń Ulttyq akademiialyq kitaphanasy» bazasyndaǵy «Qazaqstan ulttyq elektrondyq kitaphanasy» (budan ári – «QazUEK») aqparattyq júiesi sheńberinde júzege asyrylyp jatyr. Onda tsifrlyq formatqa aýdarylǵan otandyq basylymdar (sirek kezdesetin kitaptar, qoljazbalar men merzimdi basylymdar) jinaqtalǵan. Bul elektrondy kitaphana qujattardy jinaý, júieleý, katalogtaý jumystaryn júrgizedi, sol arqyly tsifrlyq muraǵatty qalyptastyrady. Bul rette «QazUEK» aqparattyq júiesi qazaq tilindegi balalar ádebietin tsifrlyq formattaýdy júrgizedi, - dedi Oljas Bektenov jaýabynda.
Sondai-aq Úkimet basshysy Senat depýtattarynyń balalar ádebietin damytýǵa arnalǵan ulttyq strategiia qabyldaý usynysyna jaýap bergen edi.
Aita keteiik, «QazUEK» qorynda ertegiler, batyrlar jyrlary, ańyz áńgimeler, mifter, kórkem ádebiet, entsiklopediialar toptastyrlǵan 1 309 balalar ádebieti bar.
Premer-ministr Oljas Bektenov Senat depýtattarynyń balalar ádebietin damytýǵa arnalǵan ulttyq strategiia qabyldaý usynysyna jaýap bergen edi.
