SQO Ǵ. Músirepov atyndaǵy aýdannyń Vozvyshenka orta mektebiniń qazaq tili men ádebieti, aǵylshyn tili pánderiniń muǵalimi Alena Gerasimova qazaq tiline súiispeshilik oiatqan barlyq adamdarǵa alǵys aitty, dep habarlaidy QazAqparat.
«Men Soltústik Qazaqstan memlekettik ýniversitetin «Qazaq tili men ádebieti» mamandyǵy boiynsha bitirdim. Qazaq tili óte bai, ári shuraily til. Qazaq tilin jetik meńgerýimniń arqasynda kóp nársege qol jetkizdim. Men qazaq tilinde sóilegendi unatamyn jáne ony týǵan tilim dep esepteimin», - dedi A. Gerasimova elordada Táýelsizdiktiń 30 jyldyǵy men Alǵys aitý kúniniń 5 jyldyǵyna arnalǵan dóńgelek ústelde.
Onyń oqýshylary aýdandyq, oblystyq, respýblikalyq mánerlep oqý saiystaryna, baiqaýlarǵa qatysyp júr.
«Men qazaq tilin úiretken muǵalimderime maǵan bergen bilimderi úshin alǵys aitqym keledi. Qazaq tili – meiirim men mahabbattyń, meiirbandyqtyń tili. Qazaq tilinde sóileý degenimiz – ony estý, uǵyný, ózgelermen teń bolý. Men Uly Abaidyń tilin úirengisi keletinderdiń bárin oqytýǵa daiynmyn. Memlekettik tilge oqýdaǵy, jumystaǵy, qoǵamdyq qyzmettegi múmkindikteri úshin rizamyn. Maǵan qazaq tiline degen súiispenshilikti uialatqandardyń bárine alǵys aitamyn!», - deidi Alena Gerasimova.
