Qazaq tili órkeniettiń oi-pikirin qalyptastyratyn tildermen qatar turýy kerek. Bul týraly búgin Aqordada birqatar azamatqa memlekettik nagradalardy tapsyrý barysynda Memleket basshysy Qasym-Jomart Toqaev aitty, dep habarlaidy QazAqparat.
«Qazaqstan Elbasy usynǵan »Rýhani jańǵyrý« jolymen alǵa qadam basýda. Eńbekqorlyq - álem elderin tabysqa jeteleitin basty igilik. Sondyqtan biz dúniejúzine eńbekqor ult retinde tanylýymyz kerek. Muqtaj jandarǵa kórsetiletin kómek pen masyldyqtyń ara-jigin ajyrata bilgen jón. Biz kúndelikti ómirde ysyrapshyldyqpen ózgege elikteýshilikten arylýymyz kerek. Ata-babamyz dáriptegen qanaǵat pen únemshildikti jańa býynnyń rýhani tiregine, asyl qasietine ainaldyrý qajet», - dedi Memleket basshysy.
QR Prezidenti bilimge degen qushtarlyq azamattarymyzdy ǵylym men tehnologiia salasyndaǵy zor jetistikterge jeteleýi tiis ekendigin basa aitty.
«Qazaq tili órkeniettiń oi-pikirin qalyptastyratyn, ónertapqyshtar men ǵalymdar sóileitin tildermen qatar turýy kerek. Sonda ǵana ana tilimiz ultaralyq qatynas tiline ainalady», - dedi Qasym-Jomart Toqaev.
