Elimizde negizgi pánder boiynsha Respýblikalyq pedagogter qaýymdastyǵy qurylady. Bul týraly qazaq tili men qazaq ádebieti pánderi muǵalimderiniń sezinde jariia etildi, dep habarlaidy QazAqparat Bilim jáne ǵylym ministrliginiń baspasóz qyzmetine silteme jasap.
Is-sharaǵa Bilim jáne ǵylym ministri Ashat Aimaǵambetov, elimizdiń barlyq óńirinen kelgen pedagogter, lingvist-ǵalymdar, sondai-aq joǵary oqý oryndarynyń oqytýshylary men rektorlary qatysty. Muǵalimder tájiribelerimen bólisip, qazaq tili men ádebietin oqytý sapasyn arttyrý, qashyqtan oqytýǵa bailanysty bilimdegi olqylyqtardyń ornyn toltyrý máselelerin talqylady.
Pedagogter qazaq tilin oqytý sapasyn arttyrý jáne pán boiynsha úlgilik oqý baǵdarlamasyn jetildirý týraly oilarymen bólisti. Olar sondai-aq qazaq tili men qazaq ádebietin oqytýdaǵy jańa tásilderdi qarastyrýdyń mańyzdylyǵyn atap ótti.
Sonymen qatar sezde elimizde negizgi pánder boiynsha Respýblikalyq pedagogter qaýymdastyǵy qurylatyny týraly habarlandy. Muǵalimder qaýymdastyǵy ózekti máselelerdi talqylaý alańyna ainalady. Osylaisha, alǵashqylardyń biri bolyp qazaq tili men qazaq ádebieti muǵalimderiniń qaýymdastyǵy quryldy. Qaýymdastyqtyń bólimsheleri elimizdiń árbir aýdanynda, qala men barlyq óńirde jumys isteitin bolady.
«Búgin biz mańyzdy máseleni kóterip, qazaq tili men qazaq ádebietin oqytý sapasyn ashyq talqylap otyrmyz. Eger bul máselelerdi sheshý joldaryn izdemesek, biz odan ári damymaimyz. Bul qazaq tili men ádebieti pánderi boiynsha oqýlyqtardyń mazmuny, oqý baǵdarlamalary jáne joǵary oqý oryndarynda mamandar daiarlaý máseleleri. Ózekti suraqtardy talqylaý jáne sheshý, sonymen birge pánderdi oqytý sapasyn arttyrý óte mańyzdy. Árbir pánniń orny erekshe: matematika, fizika, himiia, aǵylshyn tili, dene shynyqtyrý jáne basqa da pánder mańyzdy bolyp tabylady.Sondyqtan mundai sezder dástúrli túrde uiymdastyrylyp, atalǵan forýmdar mektep qabyrǵasynda oqytylatyn basqa da pánder boiynsha ótkiziledi», – dedi Bilim jáne ǵylym ministri Ashat Aimaǵambetov.
Orys tili men ádebieti pánderi muǵalimderiniń sezi kelesi aptaǵa josparlanǵan. Esterińizge sala keteiik, buǵan deiin Memleket basshysy «Ulttyq rýhani jańǵyrý» jobasy aiasynda memlekettik tildi odan ári damytý mindetin qoiǵan bolatyn. Atap aitqanda, oqý baǵdarlamalaryn jańartý, oqý jáne kórkem ádebietke qoljetimdilikti qamtamasyz etý.
