Qazaq radiosynyń shoq juldyzyna arnalǵan kitap jaryqqa shyqty

Foto: Mádeniet jáne aqparat ministrligi

Almatyda Saýyq Jaqanovanyń ómiri men shyǵarmashylyǵyna arnalǵan «Sahara sandýǵashy» kitabynyń tusaýkeseri ótti, dep habarlaidy Ult.kz.

QR Ulttyq kitaphanasynda qazaq radiosynyń tanymal diktory, el mádenietine airyqsha úles qosqan tulǵa Saýyq Jaqanovanyń 80 jyldyq mereitoiyna orai jaryq kórgen jańa kitaptyń tanystyrylymy ótti.

Saýyq Jaqanova uzaq jyldar boiy atqarǵan eńbegi úshin «Qurmet» ordenimen marapattalǵan.

Is-sharaǵa memleket jáne qoǵam qairatkerleri, shyǵarmashylyq orta ókilderi, radio jáne televiziia qyzmetkerleri, jýrnalister, sondai-aq Saýyq Jaqanovanyń týystary men jaqyndary qatysty.

Jinalǵan qaýymǵa Qazaqstannyń mádeniet jáne aqparat ministri Aida Balaevanyń arnaiy quttyqtaý haty oqyldy.