Qazaqstan shekarashylary janar-jaǵarmaidy shekara arqyly tasymaldaýǵa arnalǵan jerasty magistralin anyqtady. Bul týraly QR UQK ShQ baspasóz qyzmetinen málim etti, dep habarlaidy "Ult aqparat".
«Memlekettik shekaranyń kúzetin qamtamasyz etý mindetterin atqarý barysynda qazaqstandyq shekarashylar qyrǵyzstandyq áriptesterimen birlesip, qazaq-qyrǵyz shekarasy baǵytyndaǵy Jambyl oblysynyń shekara mańyndaǵy aýmaǵynan jer astyna qazyp tóselgen eki plastikalyq shlangini anyqtady. Shlanginiń birinen benzin isi bar suiyqtyq tabyldy. Aldyn ala boljam boiynsha, anyqtalǵan jait shekara arqyly zańsyz otyn tasymaldaýǵa arnalǵan, jaqsylap jasyrylǵan jer asty magistrali bolýy yqtimal», - delingen habarlamada.
Atalǵan fakti boiynsha tiisti organdarǵa aqparat berildi. Qazirgi ýaqytta tekserý is-sharalary júrgizilip jatyr.
