Foto: Ult.kz
Qazaqstan Jazýshylar kitaphanasynda aqyn, filosof, TÚRKSOI uiymy bas hatshysynyń keńesshisi Murathan Shoqannyń uiymdastyrýymen Halyqaralyq aqyndar PEN-klýby Qazaqstandyq filialynyń ashylý saltanaty ótti, – dep habarlaidy Ult.kz.
Shtab-páteri Avtraliianyń Sidnei qalasynda ornalasqan PEN klýbtyń maqsaty «Beibitshilik. Bostandyq. Ideia» qaǵidalaryn basshylyqqa ala otyryp dúniejúzindegi aqyndar arasyndaǵy yntymaqtastyqty damytý, shyǵarmashylyq jańa kókjiekter ashý, aqyndardy álemdik arenaǵa alyp shyǵý.
Foto: Ult.kz
«Endi árisi Orta Aziiadaǵy baýyrlas elderdiń, berisi Qazaq eliniń daryndy aqyndary Álemdik ádebiettiń arenasynda óz talanttaryn pash etip, Qazaqstannyń týyn jelbiretetin bolady.
Árine, keshegi Almaty qalasynda ótken jinalys Halyqaralyq aqyndar Pen klýbynyń Qazaqstan filialyn qurý týraly shaǵyn ǵana yntaly hám belsendi toptyń otyrysy.
Aldaǵy ýaqytta uiymǵa múshelikke Elimizdiń jáne Orta Aziia elderiniń eń talantty aqyndary tartylatyn bolaly.
Óz qazanynda ózi qainai bermei, óz býyna ózi pise bermei, qazaq qalamgerleri de álemdik ádebi arenaǵa shyǵatyn ýaqyt jetti», – dedi shyǵystanýshy halym Dúken Másimhanuly.
Ashylý saltanatyna Á.Qaiyrbekov, V.Vavilin, M.Shaimaran, S.Qamshyger, J.Sársek, E.Beiilhan, A.Jumadil, K.Mamýkadze, D.Baitursynuly, A.Aidarbekova, t.b. aqyndar qatysty.
Foto: Ult.kz
Is-sharada aqyn, aýdarmashy, shyǵystanýshy ǵalym Dúken Másimhanuly Halyqaralyq aqyndar PEN-klýbynyń álemniń ártúrli elderinde (aimaqtarynda) filialdaryn qurý tártibimen jáne Qazaqstandyq filialynyń jarǵysymen, jalpy erejelerimen tanystyrdy.
«Jýrnalist bolý kerekpin, dáriger bolamyn, ǵalym bolýǵa tiispin» dep dittegen maqsatyna jetip júrgender barshylyq. Biraq «aqyn bolý kerekpin» dep qansha tyrashtanǵanmen aqyndyq – «kerekpinmen» bite salatyn sharýa emes. Óitkeni aqyndyqty eshbir elde oqytpaidy. Ol – Táńirden berilgen tátti syi. Ár aqyn ózine berilgen taǵdyrdy somdaidy. Keide óz óleńderindegi taǵdyrdy bastan keship jatatyndary da bar. Mundaida aitar oidan abai bolýymyz kerek dei de almaimyn. Sebebi aýyzǵa túsken jyr joldaryn jazbasa taǵy bolmaidy. Óitkeni aqyndyq degen – tym biik uǵym. Kúni keshe Halyqaralyq aqyndar PEN klýbyna múshelikke qabyldandym. Ázirge eń jas múshesimin. Sondyqtan jaýapkershiligin sezinip-aq turmyn. Endi PEN klýbtyń barlyq múshelerine jaqsy óleńder jazýdy jazsyn», – deidi aqyn Aqgúl Aidarbekova.
Jiyn barysynda PEN klýbtyń tóraǵasy laýazymyna Dúken Másimhanuly, orynbasarlary aqyn, ǵalym, jýrnalist Baýyrjan Jaqyp, aqyn, Qazaqstan halqy Assambleiasynyń múshesi Viacheslav Vavilin, hatshysy bolyp aqyn, filosof, TÚRKSOI uiymy bas hatshysynyń keńesshisi Murathan Shoqan jáne basqarma músheleri sailandy.
Aqbota Musabekqyzy
