Qazaq eli taǵy bir tóbesi biik tarlanynan aiyryldy. QR Aqparat jáne qoǵamdyq damý ministri Aida Balaeva kórnekti sáýletshi, Qazaqstan Eltańbasynyń avtory Shot-Aman Ýálihanovtyń qazasyna bailanysty jelide osylai dep kóńil aitty.
«89 jasqa qaraǵan shaǵynda Qazaqstan Respýblikasy Eltańbasynyń avtory, tanymal músinshi, belgili arhitektor Shot-Aman Ýálihan aǵamyz dúnie saldy. Sóz joq, búgin osynaý orny tolmas qaiǵyǵa Shot-Aman aǵamyzdyń otbasy, ainala-jaqyndarymen birge onyń tarihi tulǵasyn áspettegen búkil qazaq eli ortaqtasyp jatyr. Óitkeni, asyl aǵamyz boiyndaǵy bar ilim-bilimi, týma talanty, ziialy bolmysymen Ult kelbetin aishyqtaǵan uly eńbegin urpaqtar enshisine bailap, memleketimizdiń mártebesine ainaldyryp ketti. Onyń jarqyn beinesi el esinde máńgilik saqtalady. Marqumnyń topyraǵy torqa, jany janatta bolsyn!»,-dep jazdy ministr Facebook -tegi paraqshasynda.
