Uly dalanyń danagói diplomatiiasynyń murageri qazaq diplomatiiasynyń tarihy ǵasyrlardan tamyr alady. Mundai pikirdi «Halyqaralyq qatynastardyń qazirgi zamanǵy júiesindegi Qazaqstan Respýblikasy» atty halyqaralyq konferentsiia barysynda Eýropalyq odaqtyń syrtqy ister jáne qaýipsizdik saiasaty jónindegi joǵary ókili Jozep Borrel bildirdi, dep habarlaidy QazAqparat.
«Búgin Qazaqstannyń diplomatiialyq qyzmeti óziniń otyz jyldyǵyn atap ótýde. Qazaq diplomatiiasynyń ǵasyrlyq tamyry bar. Olar - Uly dalanyń dana diplomatiiasynyń muragerleri. Osy tamyrlardyń arqasynda Eýropa men Aziianyń toǵysqan jerindegi álemdegi eń iri elderdiń birin saqtap qalýǵa múmkindik týdy», - dedi Josep Borrel.
EO ókili otandyq diplomattardyń Qazaqstandy egemen, beibit jáne ashyq memleketke ainaldyrý jolynda aianbai eńbek etkenin basa aitty.
«Bul geosaiasi turǵyda jáne teńizge shyǵa almaityn geografiialyq jerde jii qiyn. Sońǵy 30 jyl ishinde Qazaqstan ózin halyqaralyq qoǵamdastyqtyń belsendi jáne bedeldi múshesi retinde nyq tanytty. Qazaqstan - iadrolyq qarýdy taratpaý jáne iadrosyz álem úshin qozǵalysty belsendi qoldaýshylardyń biri, Ortalyq Aziiadaǵy jetekshi memleket, Eýropalyq odaqtyń senimdi jáne dostas seriktesi. EO atynan Qazaqstandy jáne onyń diplomattaryn shyn júrekten quttyqtaimyn jáne sizderge tabys, órkendeý jáne aldaǵy uzaq jyldar boiy beibit damý tileimin», - dep atap ótti ol.
