Qazaqstandyq boksshylar Nurzat Sabyrov (8-0, 7 KO) pen Sadriddin Ahmedov (5-0, 5 KO) Kanadanyń Rimýski qalasyndaǵy Le Centre Financiere Sun Life kesheninde kezekti jekpe-jekterin ótkizdi, dep habarlaidy "Ult aqparat" Sports.kz saityna silteme jasap.
Sabyrov ekinshi raýndta tájiribeli meksikalyq boksshy Rokki Montoiony ekinshi raýndta tehnikalyq nokaýtpen jeńdi. Bul jeńis oǵan BoxRec.com saitynyń reitinginde 21 pozitsiiaǵa (ekinshi orta salmaq) kóterilýge yqpal etti. Endi ol - 104-orynda. Nurzat 108-orynda turǵan Jánibek Álimhanulyn da (4-0, 1 KO) basyp ozdy.
Sonymen qatar, BoxRec reitinginde qarsylasyn nokaýtqa túsirgen taǵy bir qazaqstandyq boksshy kóterildi. 20 jastaǵy Sadriddin Ahmedov meksikalyq Hose Fransisko Sýnigýdy (14-12-2, 5 KO) jeńip, 224-orynnan 187-ge (orta salmaq) kóterildi. Degenmen, aita keterligi, Sadriddin ázirge birinshi orta salmaq sanatynda óner kórsetýde.
