QR AShM «QazAgro» Holdinginiń «Agrarlyq nesie korporatsiiasy» AQ Basqarýshy direktory - Basqarma múshesi asa iri mólsherde alaiaqtyq jasady degen kúdikke ilindi, dep habarlaidy "Ult aqparat".
«QR Aýyl sharýashylyǵy ministrligi «QazAgro» Holdinginiń «Agrarlyq nesie korporatsiiasy» AQ Basqarýshy direktory – Basqarma múshesine qatysty sybailas jemqorlyq qylmysyn jasady degen kúdikpen sotqa deiingi tergeý bastaldy. Ol memlekettik fýnktsiialardy oryndaýǵa ýákiletti tulǵaǵa teńestirilgen bola otyryp, óz quzyretine kirmeitin sheshimdi qabyldaǵany, iaǵni Aqtóbe oblysynda ornalasqan kepildik múlik – elevatordy satý-satyp alý kelisimshartyn jasaǵany úshin aldaý jáne senimdi teris paidalaný arqyly «Inter-Agro» jáne «InterAgroTreid» JShS quryltaishysy men basshysyna tiesili, buryn kelisilgen 200 myń AQSh dollarynan 20 million teńgeni iemdenip ketken», - delingen Sybailas jemqorlyqqa qarsy qyzmeti habarlamasynda.
Kúdikti ustalyp, Nur-Sultan qalasy Politsiia departamentiniń ýaqytsha ustaý izoliatoryna qamaldy.
Qamaýǵa alý túrindegi bultartpaý sharasyn tańdaý týraly másele sheshilýde. Kúdiktige qatysty túpkilikti sheshimdi onyń kinásiniń deńgeiin anyqtaý arqyly sot qabyldaityn bolady.
