Qaiyrymdylyq – adam balasynyń boiynan tabylýy tiis asyl qasietterdiń tek bireýi ǵana. Júregi meiirimge toly jan jeńili men aýyry qatar júretin qatigez ómirdiń basty tiregi.
Meiirimge toly qaiyrymdy júrek muqtaj jandarǵa demeý bolýmen olarǵa ómir súrýge jańa kúsh pen talpynys syilai alady. Kómekke zárý jandarǵa qinalǵan shaǵynda qol ushyn sozý - árbir adamnyń paryzy.
Moinyndaǵy osynaý paryzdy oryndaý maqsatynda ál-Farabi atyndaǵy Qazaq Ulttyq Ýniversiteti, «Suńqar» stýdentter men magistranttar kásipodaǵynyń uiymdastyrýymen 17 qarasha kúni Mega Center Alma-Ata oiyn-saýyq ortalyǵynda «Sen jalǵyz emessiń...» atty otandyq óner juldyzdarynyń qatysýymen qaiyrymdylyq kontserti bolyp ótti.
Sharanyń basty maqsaty - «Laron sindromy» dertimen aýyratyn Baev Madiasqa kómek qolyn sozyp, materialdyq jáne moraldik turǵydan demeý bolý.
Jasynan zerek, alǵyr balanyń bundai dertke shaldyqqanyn ata-anasy Madias bir jasqa tolǵanda bilgen. Madiasty aýyr dertten aiyqtyryp, tolyq jazylyp ketýi úshin oǵan 37 vaktsina salynýy kerek. Al ár vaktsina 1590$ turady. Kontsert barysynda sharaǵa jinalǵan qaýym qoldarynan kelgenshe arnaiy qoiylǵan qorapqa aqsha salyp, qarjylai kómek kórsetip jatty. Jalpy kólemi 209 300 teńge bolatyn qarjy jinalyp, Madiastyń ata-anasyna tabystaldy.
Sóz sońynda aitarym, qaiyrymdylyq jasaýǵa barlyǵymyz asyǵyp, jaqsylyq jasaýmen jarysaiyq. Qaiyrymdylyq jasaýǵa úlken dúnieniń keregi joq, tek meiirimge toly júregińiz bolsa, bolǵany.
Janbolat Omarov,
Biologiia jáne biotehnologiia fakýlteti
"Suńqar" stýdentter men magistranttar kásipodaǵy QB múshesi
