Eriktiler, belsendi azamattar, ÚEU jáne biznes qorǵalmaǵan sanattaǵy azamattarǵa kómek kórsetýdi jalǵastyrýda. Osylaisha, "Qaiyrymdy ister marafony" jalpyulttyq jobasy qarqyn alyp keledi, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Qazirgi ýaqytta "Qaiyrymdy ister marafonyn" 60-tan astam ÚEU men biznes ókilderi qoldady. Olardyń arasynda "Samruk Kazyna Trust" áleýmettik jobalardy damytý qory, "Vernyi kapital" kompaniialar toby, Qazaqstannyń Azamattyq Aliansy, ulttyq eriktiler jelisi, qazaqstandyq sportshylar odaǵy, "Qoǵamdyq mańyzy bar bastamalardy damytý Qory" QQ, "Altyn Qyran Foundation" QQ, "Aitas KZ" AQ, "Kar-Tel" JShS, "AstanaGaz" JShS, "Operator ROP" JShS, L.Gýmilev atyndaǵy EUÝ bar.
15-21 aqpan aralyǵynda "Qaiyrymdy ister marafony" aiasynda elimizdiń túkpir-túkpirinde 135 is-shara ótkizilip, 2000-nan astam adamǵa qoldaý kórsetildi.
Shyǵys Qazaqstan oblysynda eriktiler az qamtylǵan otbasylarǵa azyq-túlik sebetterin taratyp, qart adamdarǵa úide kómek kórsetý úshin "Eshkim jalǵyz qalmaidy" qaiyrymdylyq aktsiialaryn ótkizdi.
Aqtóbe oblysynda "Qaiyrymdy ister marafony" aktsiiasy resmi túrde bastaldy. Qaiyrymdylyq marafony barysynda múmkindigi shekteýli 15 adam "Shipager" saýyqtyrý ortalyǵynda emdelýge joldama aldy.
Volonterlik uiymdardyń basshylary Táýelsizdik qurdastarynyń atynan "Qaiyrymdy ister marafony" jalpyulttyq jobasyn qoldaýǵa shaqyrdy. Olar qiyn ómirlik jaǵdaiǵa tap bolǵan Q.Meiramǵalidiń otbasyna 400 myń teńge somasynda sertifikat tabys etti. Bul qarajat turǵyn úi satyp alýǵa bastapqy jarna retinde paidalanylatyn bolady.
Esterińizge sala keteiik, Qazaqstan Táýelsizdiginiń 30 jyldyǵy aiasynda Memleket basshysynyń bastamasymen "Qaiyrymdy ister marafony" jalpyulttyq jobasy bastaý aldy. Marafonǵa qatysýǵa barlyq qazaqstandyqtar, sonyń ishinde memlekettik jáne qoǵamdyq uiymdar, biznes jáne JOO ókilderi shaqyryldy.
Jobanyń úilestirýshisi – Azamattyq bastamalardy qoldaý ortalyǵy. Uiymdastyrý suraqtary boiynsha 8 (7172) 221224 nómirine habarlasýǵa bolady; e-mail: dobryhdelmarafon@gmail.com.
