Kisi qolynan qaza tapqan "Ohotzooprom" inspektory Qanysh Nurtazinniń dosy quqyq qorǵaý organdarynyń birlesken jumysy týraly aityp berdi, - dep habarlaidy Tengrinews.kz Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
Ulytaý aýdandyq kriminaldy politsiia bóliminiń basshysy Meiram Edilbaevtyń aitýynsha, ol Qanysh Nurtazinmen on jyldai ýaqyt birge jumys istegen.
"Sol kezde ol Jezqazǵannan bizge kóship keldi. Kanyshtyń adamgershiligi mol edi. Qoskól aýylynda ýchaskelik inspektor bolyp jumys istedi. Ony jergilikti halyq qurmettedi. Ótken jyly onyń úlken qyzy mektepti támamdap JOO-ǵa tústi. Ol soǵan qatty qýanyp júr edi", - dedi Edilbaev.
Burynǵy áriptesi qaza tapqan adamnyń árqashan kómekke kelýge daiyn ekenin atap ótti. Qanysh Nurtazinov jergilikti turǵyndardyń ótinishteri men tilekterin jaýapsyz qaldyrmaityn bolǵan.
"Aýyl turǵyndary malyn joǵaltqanda, ol óz kóligine otyryp, benzin quiyp, tapqanǵa deiin izdestirýge kirisetin. Kanysh kóbine kómektesti. Jezqazǵanda jáne Ulytaý mańynda bári ony jaqsy adam retinde biledi. Tipti ol qylmyskerlerdi ustap alǵan kezde de olarǵa qamqorlyq kórsetip, tamaqtandyrdy jáne olardyń qateleskenderin aitatyn", - dedi Meiram Edilbaev.
23 shildede shamamen 11:00-de Aqmola bekinis pýnktiniń "Ohotzooprom ÓB" RMQK ortalyq aimaqtyq filialynyń inspektorlary tabiǵat qorǵaý zańnamasyn buzǵandardy anyqtaý men bultartpaý sharalaryn ótkizý barysynda Aqmola oblysy Jarqaiyń aýdanynyń aimaǵynda aqbóken atý deregi tirkelgen. Eki inspektor brakonerlerdiń sońynan qýyp ketken. "Niva" avtokóliginiń memlekettik nómirin anyqtaý múmkin bolmaǵan. Nómirdiń Qostanai oblysynan ekeni ǵana belgili.
Brakonerler qolynan qaza tapqan "Ohotzooprom" inspektory - 43 jastaǵy Qanysh Nurtazinov. Ol 1976 jyly 24 qańtarda dúniege kelgen. 2016 jyldyń 5 qańtarynda "Ohotzooprom "ÓB" RMQK jumysqa qabyldanǵan. Onyń otbasynda jubaiy men tórt balasy - úsh qyzy men 2011 jyly týǵan uly qaldy. Qanysh Ulytaý aýdany Qoskól aýylynda turdy. Ekinshi jaralanǵan inspektor Samat Ospanova Derjavin qalasynyń aýdandyq aýrýhanasynda ota jasalyp jatyr, oǵan sanaviatsiia shaqyrylǵan.
Osyǵan deiin, QR Prezidenti Qasym-Jomart Toqaev Brakonerlermen arpalysta erlikpen qaza bolǵan qoryqshy Qanysh Nurtazinovtyń jaqyndaryna kóńil aitty.
"Brakonerlermen alparysta erlikpen qaza bolǵan qoryqshy Qanysh Nurtazinovtyń jaqyndaryna shynaiy kóńil aitamyn. Qaskóiler ustalyp, sotqa tartylady. Kiikterdi atqany úshin jazany kúsheitý qajet. Qaza tapqan Q.Nurtazinov marapattalatyn bolady. Eger S.Ospanovtyń saýyǵyp ketýin tileimin", - dep jazdy Toqaev.
