Foto: Gakku.kz
Burynǵy ánshi Rahat Turlyhanovqa qatysty qozǵalǵan qylmystyq is toqtatyldy. Sebebi onyń jubaiy shaǵymynan bas tartqan, dep habarlaidy Ult.kz.
Almaty qalalyq politsiia departamentiniń málimetinshe, oqiǵa boiynsha sotqa deiingi tergeý júrgizilip, barlyq qajetti materialdar jinalǵan. Alaida aryzdanýshy isti ári qarai qaraýdan bas tartqandyqtan, is zańdy negizde jabylǵan.
Politsiia otbasylyq-turmystyq janjaldarǵa qatysty árbir jaǵdai baqylaýda bolatynyn jáne azamattardyń qaýipsizdigin qamtamasyz etý sharalary qabyldanatynyn málimdedi.
Eske salaiyq, 15 naýryzda Rahat Turlyhanov jubaiyna kúsh qoldandy degen kúdikpen politsiiaǵa jetkizilgen. Bastapqyda áiel adam soqqyǵa jyǵylǵanyn aitqanymen, keiin bul málimdemesin joqqa shyǵaryp, tek janjal bolǵanyn habarlaǵan.
Osy oqiǵaǵa bailanysty Turlyhanovqa Ákimshilik quqyq buzýshylyq týraly kodekstiń 73-baby boiynsha hattama toltyrylǵan. 16 naýryzda sot isti qarap, materialdardy qosymsha tekserý úshin prokýratýra men politsiiaǵa qaita joldaǵan.
Aita keteiik, bul — alǵashqy jaǵdai emes. 2024 jyldyń qańtarynda Turlyhanov jubaiyna kúsh qoldanǵany úshin kinásin moiyndap, 10 táýlikke ákimshilik qamaýǵa alynǵan. Soǵan qaramastan, keiin erli-zaiyptylar tatýlasqanyn málimdegen.
