Qaita ashylǵan kásiporyndarda jeke jáne qoǵamdyq tazalyq sharalary kúsheitildi, dep habarlaidy Nur-Sultan qalasy ákimdiginiń resmi saity.
Iri paneldi jáne karkas-jinaqtaý qurylysy úshin temir-beton buiymdaryn shyǵaratyn «GLB» JShS-nyń basqarýshy direktory Eldar Qasymovtyń aitýynsha, kásiporynda infektsionist-dárigerler kezekshilik etedi. Qyzmetkerlerdi jetkizý qyzmeti uiymdastyrylǵan. Ol úshin arnaiy alty avtobýs bólingen. Avtobýstarǵa kún saiyn dezinfektsiia jasalady. «Kásiporynǵa kireberiste ár qyzmetkerdiń dene qyzýy ólshenedi. Barlyq qyzmetkerge betperde men qolǵap beriledi. Baqylaý pýnktine kireberiste antiseptikalyq suiyqtyq qoiylǵan. Zaýyt aýmaǵynda, iaǵni ár qabat pen ár óndiristik ǵimaratta 2-3-ten ornatylǵan 24 dozator bar. Sondai-aq biz dezinfektsiialyq uiymmen kelisim jasastyq. Sol arqyly kiim aýystyratyn, jýynatyn bólmeler men keńse jáne ashanaǵa dezinfektsiia jasalady. Kún saiyn aýysymnan keiin eki myń sharshy metrden astam jerge tazalyq jumysyn júrgizemiz», - deidi E.Qasymov.
Mundai qaýipsizdik sharalaryn «Lashyn faktor» JShS-de júrgizedi. Marketing direktory Asyl Ahmetovanyń aitýynsha, jumysqa qaita kiriser aldynda zaýytqa tolyqtai dezinfektsiia jasalǵan.
Eske salaiyq, Nur-Sultanda 20 sáýirden bastap birqatar kásiporyn jumysyn bastady. Atap aitsaq: - qurylys jáne jol qurylysy salasyndaǵy kompaniialar, iri qurylys dúkenderi; - kólik, qoima, aýylsharýashylyq qyzmet kórsetetin kompaniialar; - avtosalondar, qyzmet kórsetý stantsiialary, avtojýý, shinalarǵa qyzmet kórsetý, avto bólshekter satatyn dúkender, himiialyq tazalaý, keńse tehnikalaryn jóndeý. Ekinshi deńgeili bankterde shtattyq quramnyń 50%-na saǵat 09:00-den 16:00-ge deiin ruqsat etilse, notariýstar aldyn ala jazylý boiynsha jumys isteidi. Qoǵamdyq tamaqtaný oryndary tek ózimen alyp ketý jáne jetkizý qyzmeti boiynsha 22:00-ge deiin jumys istei alady.
