Foto: Qýat Hamitov Instagram paraqshasynan
Qazaq fýtbolyna qyrýar qarjy jumsalsa da aitarlyqtai nátije kórsetilmei júrgenin aityp, jii synaityn tanymal qazaqstandyq sportshysy Qýat Hamitov «Qairat» fýtbol klýbynyń Chempiondar ligasynyń toptyq kezeńine joldama alýyna qatysty oń pikir bildirdi, dep habarlaidy Ult.kz.
"Men árqashan bireýdiń eńbegin qurmetteimin, sondyqtan sizdiń qýanyshtaryńyzdy bólisemin! Chempiondar Ligasynyń tobyna kirýlerińizben!
Biraq aqyry osynsha aqsha fýtbolǵa salynǵan eken, men tek topqa kirip qana qoimai, jerge qaratpaityndai naǵyz shaiqas pen oiyn kórgim keledi. Sharshy alańda sáttilik!", - dedi Hamitov Instagram jelisindegi jazbasynda.
Qýat Hamitov – qazaqstandyq aralas jekpe-jek (MMA) sportshysy. Ol «Naiman» laqap atymen tanymal. Jeńil jáne jartylai orta salmaqta óner kórsetedi. Sońǵy jyldary ol tek sporttaǵy jetistikterimen emes, áleýmettik jelidegi málimdemelerimen de jii nazarǵa iligedi. Qazaqstandaǵy sport, saiasat jáne qoǵamdaǵy máselelerge bailanysty ashyq pikir bildiredi.
Eske salaiyq, Chempiondar ligasynyń plei-off kezeńiniń qarymta matchynda «Qairat» fýtbol klýby shotlandiialyq «Seltikti» penalti seriiasynda 3-2 esebimen jeńip, Chempiondar ligasynyń negizgi kezeńine ótken.
