Foto: ashyq derekkóz
«Qairat» – «Seltik» matchy kezinde politsiia kúsheitilgen rejimde jumys isteidi, dep habarlaidy Ult.kz.
Almaty qalasy politsiia departamentiniń málimetinshe, ÝEFA Chempiondar ligasynyń plei-off irikteý kezeńindegi «Qairat» pen «Seltik» komandalary arasyndaǵy match kezinde qoǵamdyq tártip pen jol qaýipsizdigin qamtamasyz etýge shamamen 1,5 myń politsiia qyzmetkeri jumyldyrylady.
- Politsiianyń biriktirilgen kúshteriniń jasaqtaryn kúsheitý josparlanyp otyr. Qoǵamdyq tártipti saqtaý, quqyqbuzýshylyqtyń aldyn alý jáne kólik aǵynyn retteýge erekshe nazar aýdarylady, - dep habarlady departamentten.
Sondai-aq Almaty politsiiasy arnaiy kólikterdiń kedergisiz qozǵalysyn qamtamasyz etý jáne keptelistiń aldyn alý maqsatynda Abai dańǵyly – Baitursynov, Muqanov jáne Sátbaev kósheleri aralyǵyndaǵy aýmaqta ishinara jabylý múmkin ekenin habarlady.
