Foto: © Sputnik / Bolat Shaihinov
Qairat Satybaldyulynyń aktivteri memleketke qaitaryldy, - dep habarlaidy "Ult aqparat" Antikor baspasóz qyzmetine silteme jasap.
Qazaqstan Respýblikasynyń Sybailas jemqorlyqqa qarsy is-qimyl agenttigi Qairat Satybaldyulyna jáne basqa da adamdarǵa qatysty júrgizilip jatqan tergep-tekserý sheńberinde elden zańsyz shyǵarylǵan aktivterdi, onyń ishinde qylmystyq jolmen alynǵan aqsha qarajatyn jáne ózge de múlikti qaitarý jóninde sharalar qabyldap jatyr.
"Tek biylǵy jeltoqsanda Sybailas jemqorlyqqa qarsy qyzmet qabyldaǵan sharalardyń nátijesinde Satybaldyulynan jalpy somasy 120 million AQSh dollary, iaǵni 55,4 milliard teńgeden asatyn aqshalai qarajat qaitaryldy", - delingen habarlamada.
Vedomstvo málimetinshe, kórsetilgen qarajat memleketke keltirilgen zalaldy óteý úshin respýblikalyq biýdjetke jiberilgen.
"Osylaisha, Sybailas jemqorlyqqa qarsy qyzmet sońǵy 2 jylda biýdjetke jáne kvazimemlekettik sektor sýbektilerine 912 mlrd teńgeden astam somaǵa múliktik aktivter men aqshalai qarajatty qaitarýdy qamtamasyz etti.
Buryn aitylǵandai, olardyń qataryna ákimshilik ǵimarattar, ekskliýzivti zergerlik buiymdar, sándi úiler, páterler men avtomobilder, aktsiialar men kompaniialardaǵy úlester, temirjol joldary men aqsha qarajattary, sonyń ishinde shetelden alynǵan qarajattar kiredi.
Zańsyz shyǵarylǵan aktivterdi qaitarý boiynsha jumys jalǵasyp jatyr" - delingen habarlamada.
