1 shildeden bastap Qarjy ministrligi "Qazaqtelekom" AQ-nyń jańa aktsioneri atandy. Endi ministrliktiń memlekettik múlik jáne jekeshelendirý komitetine kompaniianyń 3 084 893 aktsiiasy nemese barlyq pakettiń 28,81%-y tiesili, dep habarlaidy Ulysmedia.kz.
Forbes.kz basylymynyń jazýynsha, "Qazaqtelekom" AQ aktsionerleriniń jańa tiziminde Qairat Satybaldy ielik etetin Skyline Investment Company S.A (Liýksembýrg) kompaniiasy joq, buryn atalǵan kompaniia 2 671 481 aktsiiaǵa (24,95%) ielik etken.
"Samuryq-qazyna" Ulttyq ál-aýqat qorynyń operatordaǵy úlesi ózgermegen, iaǵni 52,03%-ǵa teń. Osylaisha operatordyń 80,84%-y memleketke tiesili. The Bank Of New York Mellon Drs áli de "Qazaqtelekomnyń 9,77% aktsiiasyna ielik etedi.
Aita keteiik, budan buryn «Qazaqtelekom» AQ direktorlar keńesiniń quramynan Nursultan Nazarbaevtyń nemere inisi Qairat Satybaldyǵa tiesili Skyline Investment Company kompaniiasynyń eki ókili – Erulan Qusaiynov pen Abai Álimov shyǵarylǵanyn habarlaǵanbyz.
