2022 jyldan bastap qazirgi ýaqytqa deiin Qairat Satybaldyuly jáne onymen bailanysty tulǵalardan memleketke zańsyz satyp alynǵan 732,8 mlrd teńgeden astam somaǵa múliktik aktivter men aqshalai qarajat qaitarylǵan. Bul týraly QR Sybailas jemqorlyqqa qarsy is-qimyl agenttiginiń baspasóz qyzmeti habarlaidy.
Agenttik jariialaǵan málimetterge sai, sybailas jemqorlyqqa qarsy qyzmet Q.Satybaldyulyna qatysty «Qazaqtelekom» AQ, «Kólik servis ortalyǵy» AQ qarajatyn asa iri mólsherde jymqyrý, qylmystyq jolmen alynǵan aqshany jáne ózge de múlikti zańdastyrý (jylystatý), sondai-aq onyń baqylaýyndaǵy kompaniianyń kedendik bajdardy tóleýden jaltarý faktileri boiynsha qylmystyq isterdi tergedi.
Tergeý barysynda Q.Satybaldyuly óz kinásin tolyq moiyndap, zalaldy tolyq kólemde ótedi, sondai-aq qylmystyq quqyq buzýshylyqtardy tergeýge jáne qylmystyq jolmen alynǵan múlikti ashýǵa yqpal etti.
2022 jyldan bastap qazirgi ýaqytqa deiin Q. Satybaldyuly jáne onymen bailanysty tulǵalardan memleketke zańsyz satyp alynǵan 732,8 mlrd teńge nemese 1,6 mlrd AQSh dollarynan astam somaǵa múliktik aktivter men aqshalai qarajat qaitaryldy.
Onyń ishinde 661,5 mln AQSh dollary shetelde tabyldy, olar qysqa merzimde Qazaqstanǵa qaitaryldy, onyń ishinde Q. Satybaldyulymen belsendi yntymaqtastyq nátijesinde Avstriia, Lihtenshtein, BAÁ, Túrkiia jáne t. b. elderden qaitaryldy.
Qaitarylǵan aktivterge ákimshilik ǵimarattar, ekskliýzivti zergerlik buiymdar, liýks úiler, páterler men avtomobilder, aktsiialar men kompaniialardyń úlesteri, temirjol joldary men aqsha qarajattary kiredi, sonyń ishinde sheteldikter de bar.
Q. Satybaldyuly-na qatysty qylmystyq ister boiynsha sotqa deiingi tergep-tekserý barysynda qaitarylǵan aktivterdiń jalpy somasy 732,8 mlrd teńgeni quraidy, olardyń:
1. «Qazaqtelekom» AQ aktsiialarynyń 28,8% - 93,8 mlrd tg.
2. «KSO» AQ – 30,2 mlrd tg.
3. 4 kompaniiadaǵy qatysý úlesi – 10,3 mlrd tg.
4. Qazaqstandaǵy múliktik aktivter – 158,5 mlrd tg.
5. Ekskliýzivti zergerlik buiymdar – 105,39 mlrd tg. (230 mln.$)
6. Qazaqstandyq shottardaǵy aqsha – 36,8 mlrd tg.
7. Avstriiadan kelgen aqsha – 36,8 mlrd tg. (82,1 mln.$)
8. Lihtenshteinnen túsken aqsha – 116,7 mlrd tg. (260,5 mln.$)
9. BAÁ-nen kelgen aqsha – 6,3 mlrd tg. (14 mln.$);
10. Túrkiiadan kelgen aqsha – 2,2 mlrd tg. (4,92 mln.$);
11. Baǵaly qaǵazdardy satý – 135,8 mlrd tg. (300 mln dollar).
Máselen, quny 158 mlrd teńgeden asatyn 115 qazaqstandyq obekt memlekettik menshikke berildi, onyń ishinde 73 jyljymaityn múlik obektisi (13 úi, 10 ǵimarat, 13 jer ýchaskesi, 4 páter, 3 ǵimarat, qosymsha salynǵan 2 medrese ǵimaraty, 2 turaq orny, 25 úi-jai, 1 aiaqtalmaǵan qurylys obektisi), 37 jyljymaly múlik obektisi (29 avtomashina, 5 arnaiy tehnika, 3 kvadrotsikl) jáne ózge de múlik.
Múliktiń bir bóligi onyń jaqyn týystaryna, affiliirlengen tulǵalaryna jáne baqylaýdaǵy kompaniialarǵa rásimdelgen.
Astana jáne Almaty qalalarynda memleketke berilgen ákimshilik ǵimarattardyń jalpy aýdany 180 myń sharshy metrden asady.
Buryn bul aktivter jalǵa berilip, jyl saiyn menshik iesine milliardtaǵan tabys ákelgen, ony qazir memleket alýshy bolyp tabylady.
Liýks nysandarynyń biri – Aqmola oblysynyń Barap aýylynda jalpy aýdany 1,5 myń sharshy metr, jer ýchaskesi 135 gektar burynǵy Q.Satybaldyuly rezidentsiiasy – Astana qalasynyń Bilim basqarmasyna berildi.
Bul qarajattar memleketke qaitarylyp, áleýmettik maqsattarda paidalanýǵa baǵyttaldy.
