Kollaj: Kazinform/ instagram.com/f.c.kairat/ realmadrid.com
«Qairat» klýby resmi málimdeme jasap, Chempiondar ligasy matchynyń biletteri áli satylymǵa shyqpaǵanyn aitty, dep habarlaidy Ult.kz.
«Qairat» FK áleýmettik jelidegi paraqshasynda jazba jariialap, jankúierlerdi alaiaqtarǵa aldanbaýǵa shaqyrdy.
— Áleýmettik jelilerde taralyp jatqan «Qairat» — «Real Madrid» ÝEFA Chempiondar ligasy matchynyń biletin satý nemese aldyn ala brondaý jaily aqparat — shyndyqqa janaspaityn, jańsaq habarlama. Biletke qatysty jalǵyz resmi derekkózder — klýbtyń resmi saity men «Qairat» FK-nyń áleýmettik jelidegi resmi paraqshalary. Qazirgi ýaqytta bilettiń satylymǵa shyǵý kúni men baǵasy bekitilgen joq. Jankúierlerden bógde habarlandyrýlarǵa senbeýlerin jáne biletti beiresmi arnalar arqyly satyp almaýlaryn qatań túrde suraimyz, — delingen klýbtyń habarlamasynda.
Osydan buryn «Qairat» – «Real Madrid» matchynyń biletterin qashan jáne qaidan satyp alýǵa bolatynyn jazǵan edik.
Eske salsaq, kezdesý 30 qyrkúiek kúni Almatynyń Ortalyq stadionynda ótedi. Match jergilikti ýaqyt boiynsha saǵat 21:45-te bastalady.
