Belgili ánshi Qairat Nurtastyń ákesi Nurtas Aidarbekov "1001 tún" baǵdarlamasynda balalarynyń birge ekenin aitty, - dep habarlaidy Tengrinews.kz.
"Ekeýi búginde birge, biraq otbasy bolǵasyn ydys syldyrlamai turmaidy. Qudaiǵa shúkir, tórt nemere bar. Juldyzdy árqashan joǵary qoiamyn. Qudai maǵan qyz bermedi, úlken qyzymdai bolyp keldi. Óz tarapymnan eshkimnen kem qylǵan joqpyn. Ózderiniń arasyndaǵy kishkene bir kikiljińge kiriskim kelmeidi. Ekeýi 33-34 jasqa kelip qaldy. Bul jaǵyn ózderi sheshedi. Eń bastysy, ekeýi birge", - dedi Nurtas Aidarbekov.
Eske salaiyq, buǵan deiin Qairat Nurtas Instagram-daǵy paraqshasynda beitanys arýmen túsken sýretin jariialaǵan bolatyn. Al ánshiniń anasy, belgili prodiýser Gúlzira Aidarbekova halyqtan uly Qairat Nurtas pen ánshi Erke Esmahannyń araqatynasy týraly qaýesetti toqtatýyn suraǵan edi.
