Foto: Ánshiniń áleýmettik jelidegi paraqshasynan
Tanymal ánshi Qairat Nurtas otyrǵan kólik júrgizýshisi jol erejesin buzǵan, - dep habarlaidy "Ult aqparat".
Jelide taraǵan videodan ánshi otyrǵan kóliktiń Taldyqorǵan qalasynda ruqsat etilmegen jermen ketip bara jatqanyn kórýge bolady. Bul jaitqa oqyrmandar narazylyq bildirip, erejeni buzǵan azamat anyqtalǵan.
"Mercedes-Benz júrgizýshisi Taldyqorǵan qalasynda QR Jol erejelerin buzýǵa jol bergenin habarlaimyz (Qozǵalysqa tyiym salynady).
Jedel-izdestirý is-sharalary barysynda 45 jastaǵy kólik júrgizýshisi Almaty qalasynda ustalyp, QR ÁQBtK-niń 601-baby ("Jol belgilerinde kózdelgen talaptardy oryndamaý" – esk.) boiynsha ákimshilik jaýapkershilikke tartyldy. Jetisý politsiiasy azamattarǵa belsendi azamattyq ustanymy, quqyq buzýshylyqqa tózbeýshilik tanytyp, quqyq qorǵaý organdaryna kómek kórsetkeni úshin alǵysyn bildiredi", - delingen Jetisý oblystyq politsiia departamenti baspasóz qyzmetiniń habarlamasynda.
