Qairat Nurtastyń áieli Juldyz Abdýkarimova "Álem hanymy-2020" titýlyn jeńip aldy, - dep habarlaidy "Ult aqparat".
Daýys berý baiqaýdyń resmi saitynda 1-24 jeltoqsan aralyǵynda ótti. Onyń qorytyndysy boiynsha Juldyz Abdýkarimova birinshi orynǵa ie boldy.
Ol osyǵan deiin áleýmettik jelidegi paraqshasynda qazaqstandyqtardan qoldaý kórsetýin suraǵan edi.
Aita keteiik, Qairat Nurtastyń áieliniń Instagram jelisindegi paraqshasynda 2,3 millionnan asa qoldanýshysy bar. Tórt balasy bar - eki ul jáne eki qyz.
"Álem hanym" - bul halyqaralyq sulýlyq baiqaýy, turmys qurǵan hanymdarǵa arnalǵan jyl saiynǵy sulýlyq baiqaýy retinde uiymdastyrylǵan. "Álem hanymy" baiqaýy 2007 jyldan beri ótkizilip keledi, ol alǵash ret Bolgariiada ótti. Oǵan álemniń kez kelgen elinen úilengen, ajyrasqan nemese jesir qalǵan 18-55 jas aralyǵyndaǵy áielder qatysa alady.
Biyl pandemiiaǵa bailanysty konkýrs onlain formatta ótti, biraq uiymdastyrýshylar kelesi jyly konkýrsqa qatysýshylardyń óz jobalaryn tanystyrý úshin kelýge múmkindigi bolatynyn aitty.
