Almaty qalalyq máslihatynyń depýtaty Qairat Qudaibergendi qamaý merzimi taǵy bir aiǵa uzardy. Bul týraly Almaty qalalyq sotynyń baspasóz qyzmeti málim etti.
«17 maýsym kúni Almaty qalalyq tergeý sotynyń qaýlysymen kúdiktini qamaýda ustaý merzimi 3 aiǵa deiin uzartyldy. Qamaý merzimi - 2022 jyldyń 21 shildesine deiin. Qaýly zańdy kúshine engen joq», - dep habarlady sottyń baspasóz qyzmeti.
Buǵan deiin kúdiktini qamaý merzimi eki aiǵa uzartylǵan bolatyn.
Aita keteiik, 24 sáýir kúni sot qaýlysymen tergeý organdarynyń ótinishi qanaǵattandyrylyp, Qairat Qudaibergenge qatysty áreketti saralaý týraly qaýly shyǵarylǵanǵa deiin ony 30 táýlik merzimge kúzetpen ustaý túrindegi bultartpaý sharasyna sanktsiia berilgen edi.
Qairat Qudaibergenniń ustalǵany týraly aqparat 22 sáýirde jariialanǵan. Keiin QR Bas prokýratýrasy Almaty qalasy máslihatynyń depýtaty Qairat Qudaibergen qańtar oqiǵasy kezinde jappai tártipsizdikti uiymdastyrdy jáne oǵan qatysty degen kúdikke ilingenin rastady.
