Halyqaralyq fýtbol tarihy jáne statistikasy federatsiiasy XXI ǵasyrdyń úzdik shabýylshylarynyń tizimin jariialady, dep habarlaidy "Ult aqparat".
Oǵan 2001 jyldyń 1 qańtary men 2021 jyldyń 1 qańtary aralyǵynda joǵary dárejede kem degende 200 gol soqqan fýtbolshylar kirdi.
Tizimge qazaqstandyq klýbtyń bir fýtbolshysy endi: almatylyq «Qairattyń» forvardy Vagner Lav 231 gol soǵyp, 29-orynda tur. Braziliialyq Neimar (225), Karim Benzema (220), Radamel Falkao (212), Edin Djeko (209) jáne Diego Forlan (206) syndy álem juldyzdaryn basyp ozǵan.
Tizimniń birinshi ornyna «Iýventýs» úzdigi Krishtianý Ronaldý jaiǵasqan, onyń enshisinde 462 gol bar. Ekinshi orynda «Barselona» kapitany Lionel Messi (451 gol) tur.
Sondai-aq úzdik bestiktiń qatarynda «Milan»-dyq Zlatan Ibragimovich (379 gol), «Bavariia» klýbynyń oiynshysy Robert Levandovskii (332) jáne karerasyn aiaqtap qoiǵan singapýr fýtbolshysy Aleksandr Djýrich (304) tur.
