video kadry
Prokýror Baýyrjan Shekenov sotta kásipker Qairat Boranbaev pen onyń sybailastaryna taǵylǵan aiypty oqydy, - dep habarlaidy Tengrinews.kz portaly.
Boranbaevtan basqa, onyń senimdi adamy Roman Nahanovqa, "QazMunaiGaz" UK" AQ burynǵy basqarýshy direktory Ibýlla Serdige (maýsym aiynda izdeý jariialanǵan) jáne "QazaqGaz" UK" AQ basqarma tóraǵasynyń burynǵy orynbasary Januzaq Taiyrǵa da aiyp taǵyldy.
Aiyptaý qorytyndysy boiynsha, bul adamdar 2019 jylǵy 1 shildeden bastap 2020 jylǵy 11 aqpanǵa deiin "AziiaGazChýndja" JShS men QazaqGaz arasynda jalpy somasy 141 milliard 681 million 676 myń teńgege kóterilgen qun boiynsha 2,26 million tekshe metr kóleminde taýarlyq gazdy jetkizý týraly mámileler jasady.
"Osy ýaqyt aralyǵynda Januzaq Serdi, Boranbaev, Nahanov jáne basqa da adamdardyń múddesi úshin áreket ete otyryp, ózine senip tapsyrylǵan aqshalai qarajatty tólemder tizilimine qol qoiý arqyly ysyrap etken:
- 2019 jylǵy 1 tamyzǵa 8 milliard 442 million 721 myń teńge somasynda;
- 2019 jylǵy 26 tamyzdaǵy 11 milliard 140 million 10 myń teńge somasynda;
- 2019 jylǵy 3 qyrkúiektegi 15 milliard 409 million 482 myń teńge somasynda;
- 2019 jylǵy 16 qazandaǵy 24 milliard 463 million 183 myń teńge somasynda;
- 2019 jylǵy 24 qazandaǵy 1 million 831 myń teńge somasynda;
- 2019 jylǵy 7 qarashadaǵy 19 milliard teńge somasynda;
- 2019 jylǵy 5 jeltoqsandaǵy 12 milliard 510 million 724 myń teńge somasynda;
- 2019 jylǵy 13 jeltoqsandaǵy 7 milliard 214 million 605 myń teńge somasynda;
- 2020 jylǵy 9 qańtardaǵy 15 milliard 73 million 479 myń teńge somasynda;
- 2020 jylǵy 23 qańtardaǵy 14 milliard 353 million 15 myń teńge somasynda", - dedi memlekettik aiyptaýshy.
Sondai-aq, aiyptaýshy tarap málimetinshe, Januzaq taýarlyq gazdy jetkizý úshin "AziiaGazChýndja" JShS-niń bank shotyna jalpy somasy 127 milliard 608 million 464 myń teńge qarajat aýdarǵan.
"Qylmystyń belsendi qatysýshysy Januzaqtyń Qytaiǵa qyzmettik issaparǵa shyǵýyna bailanysty 2019 jylǵy 19 qyrkúiektegi 14 milliard 73 million 212 myń teńge somasyna tólemder tizilimine "QazaqGaz" UK" AQ Bas direktorynyń orynbasary Rýbanov qol qoidy, ol qylmystyq niet týraly bilmedi", - dep túsindirdi prokýror.
Shekenov Qazaq Gaz taýarlyq gazdy "Gazprom-eksporttan" 127 milliard 116 million 358 myń teńgege myń tekshe metrin 145 dollarǵa satyp alǵanyn málimdedi.
"Sot-ekonomikalyq saraptamanyń 2022 jylǵy 30 maýsymdaǵy №1699 qorytyndysyna sáikes, "QazaqGaz" UK" AQ men "AziiaGazChýndja" JShS satyp alǵan gazdyń quny men "Gazprom-eksporttan" satyp alynǵan osy gazdyń quny arasyndaǵy aiyrmashylyq 14 milliard 565 million 318 myń 10 teńge boldy. "AziiaGazChýndja" JShS atynan "QazaqGaz" UK" AQ atyna satylatyn taýarlyq gazdyń qunyn arttyrý ulttyq kompaniiaǵa tiesili aqshalai qarajatty urlaý úshin jaǵdai jasaýǵa múmkindik berdi.
Taýarlyq gazdy arzanyraq baǵamen satyp alýdyń naqty múmkindigine qaramastan, ony "Aziia GazChýndja" JShS baqylaýyndaǵy deldaldyq kompaniiasy arqyly ádeii joǵary baǵamen satyp alyp, jymqyrý maqsatynda memlekettik kompaniianyń qarjy-sharýashylyq ainalymynan aqsha qarajatyn alýdy júzege asyrdy. Bul gazben jabdyqtaý salasyndaǵy ulttyq operator qyzmetiniń túpkilikti nátijesine teris áser etti, onyń qyzmeti halyqqa satylatyn gazdyń ózindik qunyn jeńildikti baǵamen jabýǵa baǵyttalǵan", - dep túsindirdi prokýror.
Qairat Boranbaev pen Roman Nahanovqa Qylmystyq kodekstiń 28-baby 5-bóligi, 189-baby 4-bóliginiń 2-tarmaǵynda kózdelgen qylmystyq quqyq buzýshylyq jasady degen aiyp taǵyldy.
"Urlanǵan qarajat olardy zańdy ainalymǵa tartý arqyly zańdastyrylyp, qylmystyq shemaǵa qatysýshylar arasynda bólingen.
- Boranbaevqa 4 milliard 804 million 67 myń teńge;
- Nohanovqa 533 million 785 myń teńge;
- "DS-TAS" JShS 5 milliard 337 million 852 myń teńge", - dedi aiyptaýshy tarap.
Aiyptaýshy taraptyń aitýynsha, Boranbaev alynǵan aqshanyń bir bóligin Almatyda Esentai office JShS-den 742 sharshy metr jyljymaityn múlik satyp alýǵa jumsaǵan. Nysan Boranbaevqa 686 million teńgege túsken.
"Keiinnen múlikten tabys alý maqsatynda 2022 jylǵy 24 aqpandaǵy jaldaý sharty boiynsha úi-jai ai saiynǵy ainalym kezeńiniń 12,5 paiyzy nemese ai saiyn keminde 10 million teńge mólsherinde jaldaý aqysy bar meiramhana qyzmetterin uiymdastyrý quqyǵymen AB Restaurants JShS-niń paidalanýyna berildi.
Nahanov 2020 jylǵy 30 qarashada Astanada salynyp jatqan turǵyn úi kesheninde 2105, 2107, 2108 nómirli páter satyp alǵany úshin Highvill Ishim JShS shotyna óziniń jeke shotynan 99,8 million teńge mólsherinde qylmystyq jolmen alynǵan qarajattyń bir bóligin aýdardy. Nahanovtyń páterlerine quqyqtardyń paida bolý kózderiniń shynaiy sipatyn jasyrý maqsatynda úlestik qatysý sharty negizinde olardy Nahanovtyń uly Baýyrjan Romanovichke rásimdedi", - dep qorytyndylady prokýror.
Eske salaiyq, búgin Astanada Qairat Boranbaev pen osy is boiynsha basqa da aiyptalýshylarǵa qatysty sot otyrysy bastaldy. Jýrnalister sot zalyna kirgizildi. Sotqa Qairat Boranbaevtyń qyzy Alima Qairat ta qatysyp otyr. Ol sotqa ákesiniń qoǵamdyq qorǵaýshysy retinde qatysady.
