Katonqaraǵai ulttyq parkiniń Sarymsaqty jotasynda qar barysy alǵash ret fotoǵa túsip qaldy, dep habarlaidy "Ult aqparat".
Ulttyq parktiń paraqshasynda jariialanǵan aqparatqa sáikes, Panthera uncia qar barysy (Schreber, 1775) — Qazaqstan Respýblikasynyń Qyzyl kitabyna jáne Halyqaralyq tabiǵatty qorǵaý odaǵynyń (IUCN) Qyzyl tizimine engizilgen sútqorektilerdiń sirek kezdesetin túri.
«Ótken jyly janýarlarlar álemin qorǵaý jáne ósirip-óndirý bóliminiń bastyǵy Erik Qasymov Sarymsaqty jotasyna BUU Damý baǵdarlamasynyń «Ártúrli paida alý úshin negizgi ǵalamdyq mańyzy bar ekojúielerdi saqtaý jáne ornyqty basqarý« jobasyn iske asyrý aiasynda alynǵan fototuzaqty ornatqan edi.
Bir jylǵa jýyq ýaqyt jumys istegen fototuzaq Altai ormanshylyǵynyń aýmaǵynda qar barysynyń túngi ótkelin túsirip aldy. Bul - Sarymsaqty jotasynan alynǵan alǵashqy foto. Buǵan deiin ulttyq parkte qar barysynyń fotolary men beineleri Altai Tarbaǵatai jotasynan alynǵan bolatyn»,- delingen ulttyq park aqparatynda.
Aita keteiik, osy jyldyń 29 naýryzynda Altai taýynyń Qazaqstan bóliginde qar barysy túsirilgen (Panthera uncia) alǵashqy video Katonqaraǵai ulttyq tabiǵi parkiniń jelidegi paraqshasynda jariialanǵan edi.
QR Ekologiia, geologiia jáne tabiǵi resýrstar ministri Maǵzum Myrzaǵaliev Qazaqstanda búgingi tańda 130-ǵa jýyq qar barysy bar ekenin aitqan bolatyn
Orman sharýashylyǵy ókilderiniń atýynsha, sońǵy ýaqytta óńirlerde qar barysy fototuzaqtarǵa jii túse bastaǵan.
