ShQO Katonqaraǵai aýdanynda eki alpinist qaza boldy, - dep habarlaidy Massaget.kz ShQO TJD baspasóz qyzmetine silteme jasap.
Vedomstvo málimetinshe, 23 maýsymda saǵat 10 shamasynda Katonqaraǵai aýdanynyń qutqarýshylaryna Kókkól kóli aýdanyndaǵy Belýha taýynda 4 alpinist týrister taýǵa shyǵý jolyn nyǵaitý jumystaryn júrgizý kezde qar kóshkininiń astynda qaldy degen shaqyrtý túsken.
"Apat saldarynan eki adam qaitys boldy. Bireýi 1992 jyly týǵan. Ekinshisi 1988 jyly týǵan Resei Federatsiiasynyń azamaty. Sondai-aq 1990 jyly týǵan baǵy bir azamat zardap shekken. Odan bólek 32 jastaǵy bir alpinist aman qaldy. Jetýi qiyn jerlerge ShQO TJD Jedel-qutqarý jasaǵynyń qutqarýshylarymen "Qazaviaqutqarý" MI-8 tikushaǵy jiberildi. Oqiǵa ornyna kelgen tikushaq aýada 1 metr biiktikte qalyqtap turyp, qutqarýshylar tikushaqtan túsip qaza bolǵandardy bortqa shyǵardy. Al jaraqat alǵan er adamǵa apattar meditsinasy ortalyǵynyń dárigerleri alǵashqy meditsinalyq kómek kórsetti", - delingen habarlamada.
3 myń metr biiktikte qutqarý jumystaryn júrgizý úshin áýe kemesi birneshe reis jasaǵan.
ShQO TJD taýdaǵy qaýipsizdik erejelerin eske saldy:
- Marshrýtqa shyǵar aldynda TJ qyzmetinde tirkelý qajet. Munda siz marshrýttyń erekshelikteri, baqylaý ýaqyty jáne bailanys signaldary týraly barlyq qajetti aqparatty ala alasyz.
- Yńǵaily kiim men aiaq kiimdi tańdaýǵa baiypty bolyńyz.
- Ózińizben birge alyp júrýińiz kerek zattardyń ishinde: jyly zattar, uialy telefon úshin qosymsha qýat kózderi, sham jáne ot jaǵýǵa arnalǵan quraldar bolýy kerek. Sondai-aq, GPS navigatoryn ózińizben birge ótkizgen jón.
Joryqta:
- Qozǵalys úshin uzaǵyraq bolsa da, eń qaýipsiz marshrýtty tańdaý kerek
- Qozǵalys bastalar aldynda yqtimal qaýipterdi muqiiat baǵalaý, aýa-raiy jaǵdailaryn jáne kedergilerdiń yqtimaldyǵyn eskerý qajet
- túrli kenetten bolatyn jaúdailarǵa daiyn bolý qajet jáne qaýip kezinde ýaqtyly saqtyq sharalaryn qabyldaý kerek
- Tek toppen qozǵalý kerek
- Nashar kóringende (tuman) nemese táýliktiń qarańǵy ýaqytynda ótpeý kerek
- Qaýipti jartasty jerlerden ótpeńiz. Bos jatqan tastarmen betkeiler men oiyqtarǵa ótpeńiz.
