Katarda quny 8 mlrd dollardy quraityn Sidra Medicine ana men bala ǵylymi-zertteý meditsina ortalyǵy ashyldy, dep habarlaidy QazAqparat.
Sidra Medicine jańa meditsinalyq ortalyǵyn Katar bilim berý, ǵylym jáne qoǵamdyq damý qorynyń tóraǵasy Sheiha Moza bint Nasser ashty.
Sheiha Moza Dohada Education City ǵylymi tehnoparki men ýniversitet qalashyǵynyń negizin qalaǵan. Onyń pikirinshe, Sidra Medicine - meditsina salasyndaǵy erekshe jańalyq jáne Katar Memleketiniń innovatsiialyq densaýlyq saqtaý salasyn qamtamasyz etýdegi kezekti jetistik.
Osyndai biregei akademiialyq meditsina mekemesinde AQSh, Ulybritaniia, Frantsiia jáne basqa da 100 elden kelgen 4 myń jumysshymen qosa, mýzykanttar da bar. Sebebi, ǵalymdardyń pikirinshe, mýzyka tiimdi kómekti terapiia sanalady.
Keshendi tanymal argentinalyq sáýletshi Sezar Pelli salǵan. Ol Kýala-Lýmpýrdaǵy Petronas munaralarynyń jáne Niý-Iorktegi Dúniejúzilik qarjy ortalyǵynyń avtory.
«Sidra Medicine - bilim, jańalyqtar jáne densaýlyqtyń jańa shamshyraǵy. Sheiha Mozanyń basshylyǵynyń arqasyndamol tabystarǵa qol jetkizdik. Munda bilikti dárigerler men jahandyq deńgeidegi bedeldi ǵalymdar birlesip jumys isteidi», - dep atap ótti Sidra Medicine bas direktory Piter Morris.
Qazaqstandyq dárigerler Sidra Medicine ortalyǵyndaǵy balalar kardiology, nevrolog, ýrolog, hirýrg jáne basqa da mamandarmen bailanys ornatty.
