Nur-Sultanǵa «Qatar Airways» áýe kompaniiasynyń arnaiy reisimen 9 tonna gýmanitarlyq kómek jetkizildi, dep habarlaidy QazAqparat .
«Katar Ámiri uly mártebeli sheih Tamim ben Hamad Ál-Tánidiń tapsyrmasyn oryndaý maqsatynda búgin katarlyq áýe jelisimen gýmanitarlyq-meditsinalyq kómek tielgen charterlik reis keldi. Bul kómektiń Qazaqstan Úkimetine koronavirýstyq infektsiiany jeńýge kómektesedi dep úmittenemin. Jalpy salmaǵy 9 tonna bolatyn kómekte maska, halat, qorǵanys quraldary bar», - dedi Qazaqstan Respýblikasyndaǵy Katar elshisi Abdýlaziz ben Sýltan Al-Rýmeihi Nur-Sultan áýejaiynda.
Elshi Katardyń birqatar elderge gýmanitarlyq kómek kórsetip jatqanyn jetkizdi.
QR Syrtqy ister ministrligi Taiaý, Orta Shyǵys jáne Afrika departamentiniń direktory Erjan Muqashtyń aitýynsha gýmanitarlyq júkte dárilik zattar men preparattar joq. Katardyń kómek jiberetini týraly aqparat úsh kún buryn belgili bolǵan.
«Ýaǵdalstyq boiynsha gýmanitarlyq kómekti kútip alamyz. Bul úshin Katarǵa alǵys aitamyz. Katar - elimizge kómek kórsetken Arab elderi arasyndaǵy ekinshi memleket. Bir ai buryn Birikken Arab Ámirlikteri gýmanitarlyq kómek jibergen edi. Kómek qazaqstandyq taraptyń ótinishimen beriledi», - dedi E. Muqash.
Gýmanitarlyq kómekti QR Densaýlyq saqtaý ministrligi men «SQ-Farmatsiia» JShS ókilderi qarsy aldy jáne elimizdiń meditsinalyq uiymdaryna taratylady.
