Katar ámiri – sheih Tamim ben Hamad ál-Tanidiń Qazaqstanǵa sapary josparlanǵan. Bul týraly Ulttyq ekonomika ministri Rýslan Dálenov aitty, dep habarlaidy QazAqparat.
«Bizdiń otyrysymyz basty sipatqa ie. Óitkeni, ol Uly mártebeli Katar ámiri – sheih Tamim ben Hamad ál-Tanidiń Qazaqstanǵa sapary qarsańynda ótip otyr. Osynaýb asty shara eki eldiń qarym-qatynasyn jandandyrýǵa qýatty serpin berýge qyzmet etip, halyqtarymyz arasyndaǵy dostyq bailanysty kórsete túsedi. Biz úshin bul zor mártebe ári joǵary deńgeidegi jaýapkershilik», - dedi búgin Qazaqstan-Katar joǵary deńgeidegi birlesken komissiiasynyń 5-otyrysyn ashqan Rýslan Dálenov.
Qazaqstan ministriniń aitýynsha, ótken jyly ekijaqty ózara is-qimyl úshin nátijeli boldy. Atap aitqanda, 2019 jyldyń maýsymynda eki eldiń basshylary AÓISShK sammiti alańynda júzdesti. Qyrkúiekte birqatar parlamentaralyq kezdesýler bolsa, qarashada QR Prezidenti Ákimshiliginiń basshysy bastaǵan qazaqstandyq delegatsiia Katarǵa saparlady. Sol kezde Qazaqstan men Katardyń jaýapty vedomstvolary arasyndaǵy birlesken jumystyń oń serpini atalyp ótildi.
«Tek sońǵy birneshe aidyń ishinde ǵana Qazaqstan basshylyǵy elderimiz arasyndaǵy yntymaqtastyqty keńeitýge baǵyttalǵan mańyzdy sharalar keshenin qabyldady. Sóz Katar azamattaryn 2019 jyldyń 1 qazanynan vizalyq talaptaryn jeńildetý, áýe qatynasy týraly memorandýmǵa qol qoiý jaiynda bolyp otyr. Memorandýmǵa sáikese, «Qatar Airways» kompaniiasy Nur-Sultan men Almaty qalalaryna aptasynda 7 jolaýshylar reisin, sondai-aq Doha men Almaty arasynda 7 júk reisin oryndai alady. Osy oqiǵalardyń barlyǵy da san qyrly yntymaqtastyqty tereńdetýge eki jaqtyń da umtylysyna dálel bola alady», - dedi ol.
