Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda karantin sharalarynyń nelikten jeńildetilgenin túsindirdi, dep habarlaidy "Ult aqparat".
«Biz zerttei kele mundai shekteý sharalarynyń keri tusyn anyqtadyq. Máselen, shashtaraz adamdardy óz úiinde qabyldai bastady. Sol siiaqty qosymsha bilim beretin uiymdardyń muǵalimi de balalardy úiinde qabyldady. Ol jerde eshqandai sanitarlyq qaýipsizdik sharasy saqtalmaǵan. Sondai-aq iri saýda úileri jabylǵan soń kvartal ishilik dúkenderge adamdar kóptep bara bastady. Onda da qaýipsizdik sharasy durys saqtalmaǵan. Iri saýda ortalyqtarynda sanitarlyq sharalar saqtalady jáne adamdardyń kóptep jinalmaýyn baqylaityn adamdar bar», - dedi ol.
Sonymen qatar, ol qaladaǵy qoǵamdyq kólikterdi senbi, jeksenbi kúnderi toqtatý tiimdi bolmaǵanyn atap ótti.
«Epidemiologiialyq zertteý boiynsha 14-20 naýryz aralyǵynda qoǵamdyq kólikte virýs juqtyrý deńgeii 18,2% bolǵan, al jańa Qaýly engizilgen soń, iaǵni avtobýsty belgili bir ýaqytta júrgizgende virýs juqtyrý 21,3%-ke deiin ósken. Bul jerde qolǵa alǵan qatańdatylǵan shara óz nátijiesin bermedi, tiimdi bolmady, - deidi ol.
Eske salaiyq, Almatyda shekteýli karantindik sharalar 3 sáýirden bastap jeńildetildi. Saýda ortalyǵy men bazarlarǵa jumys kúnderi jumys isteýge ruqsat berildi.
Sonymen qatar, qoǵamdyq kólikter demalys kúnderi shtattyq rejimge sáikes qatynaidy.
