Buqar jyraý aýdanynyń turǵyny Jeńis Qasymbekkedúken salý úshin jer telimin ala almai júrgenin aityp shaǵymdandy. Bul týraly ol oblys ákimine azamattardy onlain qabyldaý kezinde málim etti. Aitýynsha, Samarqand aýylynyń ákimdigi bul máseleni úsh jyldan beri sheshe almai keledi, dep habarlaidy "Ult aqparat".
Buqar jyraý aýdanynyń ákimi Shaǵýrashid Mamalinov muny jer ýchaskesiniń janynda avtobýstyń burylýyna oryn berilgendigimen túsindirdi.
«Bul aidan anyq másele. Eger jer telimin bólý múmkin bolmasa, bul týraly 2018
jyly aitý kerek edi. Kórshi ýchaskesin berińizder. Bul adamgershilikke jatpaityn is.
Turǵyndar biznes quryp, jumys oryndaryn ashqysy keledi. Salyq tóleýge nietteri bar. Nelikten úsh jyl boiy máseleni sheshý múmkindigi bolmady?
Avtobýsqa 15-20 metr alysyraq burylýǵa bolady emes pe? Muny Samarqand aýylynyń ákimi sheshýi tiis. Men sizderge 20 kún beremin. Bul kisige jer berilgen, berilmegeni jaily maǵan esep berińizder. Eger atalmysh másele sheshilmese, Samarqand aýylynyń ákimin jumysynan bosatamyn», – dedi Jeńis Qasymbek.
Sondai-aq, oblys ákimine Soqyr ózenin tazartý, Fedorov baý-baqsha ýchaskeleri aýdanyndaǵy jol ýchaskesin jóndeý jáne saiajai avtobýstaryn iske qosý máseleleri boiynsha saiajai qoǵamdastyǵynyń ókilderi júgindi.
Qaraǵandy oblysynyń Tabiǵi resýrstar jáne tabiǵat paidalanýdy retteý basqarmasynyń aqparaty boiynsha, eki jyl buryn Fedorov sý qoimasy aýdanyndaǵy Soqyr ózenin sanatsiialaý boiynsha jumystar júrgizilgen. Jumystar oryndaldy, aktiler bar.
«JSQ-ǵa engizilgen barlyq jumystardy oryndaý qajet. Arnanyń bir bóligi ǵana tazartyldy, biraq onda 5,5 shaqyrym aýmaqta jumystar atqarylýy tiis», - dedi «Mashinostroitel» saiajai qoǵamynyń tóraǵasy Nikolai Rýdometkin.
«Búgin meniń orynbasarym men tabiǵi resýrstar basqarmasynyń basshysy sonda barady. Eger nátije bolmasa, basqarma kemshilikterdi túzetetin bolady», - dedi Jeńis Qasymbek.
Qala mańyndaǵy avtobýstarǵa keletin bolsaq, olardy 15 sáýirde iske qosý josparlanýda.
Esterińizge sala keteiik, oblys ákiminiń karantindik shekteýlerge bailanysty
qabyldaýy ár aidyń sońǵy jumasynda onlain júrgiziledi. Kezdesýge tirkelý úshin ótinishti kanc_oblakimat@krg.gov.kz elektrondyq poshtasy nemese egov.kz arqyly jiberý kerek, sondai-aq oblys ákimdigine, Álihanov kóshesi, 13 meken-jaiy boiynsha ornalasqan front-keńsege aparýǵa bolady.
